大會會堂內嘅表演, 表演者都係消防員或者係警察, 好高水準架.
排旗位..... 美國旗第一位, 中國旗被放在美國旗隔鄰, 美國都好重視中國啊!
喺紐約市嘅街頭, 隨時都會見到警車, 警察. 今個旅程係聽得最多警車響號嘅一次.
喺呢個網球場睇husband打比賽, 雖然曬唔正, 呢日都蒸燶咗. 第二日咪攪我, 我要離隊自己搵節目自己搵食.
後來轉咗呢個場, 好好多啦, 有個冷氣會所, 有wifi , 唔使成日曬住呢!
香港網球隊員攞的金牌.
去唐人街出席當地警察協會邀請嘅晚宴, 途中遇到騎警, 好有型呀! 有朋友話佢移民咗廿多年都係見過一次咋; 後來喺晚宴地方又遇到, 同騎警叔叔影番張相先.
husband每次同對手打完波, 大家都會交換紀念品, 交流一吓, 掛帶同 pins 都係德國對手送的, 佢地都帶同太太同仔仔女女嚟打氣, 好開心呀, 大家都好有運動精神架, 除左支持自己人, 見到對方有好球都會拍掌呢.
FBI紀念筆
好似又係德國警察送的.
加拿大魁北克
泰國
美國FBI
加拿大魁北克
芬蘭
今次旅行比我有大嘅生活體驗, 因為husband有幾日係全日比賽, 大家都唔想我喺球場乾曬, 我要照顧自己嘞, 真係想像唔到我呢個C9仔可以自己一個人喺地球嘅另一邊, 陌生嘅街道上遊蕩咗幾日,又亂闖亂撞去搭紐約地鐵. 我都會提高警覺架, 間中望吓廚窗睇吓後面有咩人跟住.
wow, 你先生好勁喎!!!
回覆刪除美國人真係好直接, 一面大國旗做左舞台的背景, 如果係祖國呢, 又會覺得好"娘".......
美國和加拿大呢, 我都係喜歡加拿大這個國家, 感覺和平d, 優遊d, 和冇咁霸氣........妳今次的印象是怎樣?
[版主回覆09/11/2011 18:43:00]個獎係佢同事嘅呢! 可能我係殖民地長大, 所以對國旗無咩感覺, 當見到好多美國人把國旗掛在屋前, 我覺得佢地好愛自己嘅國家. 加拿大比我印象係有自信, 有傲氣. 美國印象係死硬派.
原來你husband係阿sir!
回覆刪除[版主回覆09/11/2011 18:26:00](Empty)
你真係幾叻,我去美加旅行時,都覺得幾疲倦。
回覆刪除[版主回覆09/11/2011 18:25:00]真係幾疲倦呢, 而家仲有d時差未回復正常.
中秋節快樂
回覆刪除[版主回覆09/11/2011 18:24:00]中秋節快樂!
香港網球隊員攞的金牌....即係你husband攞??!! 好似又係德國警察送的.>>> Yes!!! German police
回覆刪除[版主回覆09/13/2011 11:34:00]唔關我husband事架, 因為網球係分組自己去比賽, 個獎係個人嘅囉, 我husband 打到入四強都好叻架啦!嘻嘻.. 德國警察伯伯同埋佢d屋企人好nice.
亞老公都好叻喇,打到入四強喎﹗我諗,我哋都係掛英國旗會開心啲
回覆刪除[版主回覆09/16/2011 07:57:00]哈哈, 我同你一樣想法.