美加遊之蒙特利爾 (一)

出門旅遊食嘅野有時豐富, 有時簡單咁啦~

呢日嘅午餐就簡簡單單....

不過呢次旅程, 食嘅薯條就食咗我成年嘅quota

話咁快~坐咗3個鐘車就到蒙特利爾.

今日酒店又係Marriott 集團的, 房租係細佬用信用咭積分換, 我地都唔使錢呢:)

酒店門口雖然有條鈄路比輪椅用, 但係最右邊嗰度玻璃唔係自動門, 開唔到的, 就算拎大型行李進出酒店都唔係咁方便, 唉! 總之個設計好stupid.

check in完竟然又落雨...

聖約瑟夫教堂~ (教堂建於1904年, 座落在蒙特利爾皇家山頂Mont Royal)

在皇家山上遠眺蒙特利爾, 可惜落雨, 唔可以逗留耐d.

入夜走進舊城區, 有d 似法國, 很浪漫的. 留意到街上的交通路標都是法文, 我地搵到一個咪錶泊車位, 個咪錶得法文, 都唔知使唔使入錶, 不過睇到"non"估佢唔使啦.

搵食嘅時候剛剛落好大雨, 比餐廳門口嘅知客介紹咗入去...

好似好少咁, 但係食唔晒, 兩個人食差唔多~

洋蔥湯超美味呀, 由其浸在湯上的芝士和烘麵包...我都好想整.

張單寫明tips not inc呀, 識做啦, 不過規定比多15% tips. 好唔慣...
呢餐認真闊綽兼肉赤, 剩係稅同貼士要$67CAD.

肉赤完忘記佢啦, 又懶浪漫咁散步在濛濛細雨中~ ~ ~