除夕自煮晚餐

今日除夕,
連新都會商場對出馬路都攪2013年倒數,
又要封路,
四處一定都係人山人海,
我地呢d老人家都係喺屋企舒舒服服煮下飯.
對住暖爐睇下電視好囉~

Continue Reading...

澳門一日遊

即日來回澳門,
只係為咗嘗一嘗米芝蓮3星餐廳的味道.

Continue Reading...

8日8夜日本四國環島自駕遊 ~ 第五日:愛媛縣 ~ 道後溫泉 ~ 松山城 ~ 香川縣 ~ 高松巿

第五日行程~
到愛嫒縣第一名城[松山城]
[道後溫泉], [道後溫泉]街
You Me Town購物商場.

Continue Reading...

2012-12-21

話今日係末日喎, 寫返幾隻字先~
香港有個細路就因為呢個傳言, 避到去台灣, 希望佢聽日坐返飛機返屋企啦~

近排都做咗好多野, 不過年尾多野做, 無時間寫咁多blog~
一次過up哂佢..

Continue Reading...

8日8夜日本四國環島自駕遊 ~ 第四日: 高知城 ~ 四万十 ~ 土佐清水巿 ~ 愛媛縣 ~ 松山巿

是日行程~
高知縣 ~ 400年歷史名城高知城, 四万十川,
四國最南端之足摺岬, 竜串海岸等等..
金剛福寺、足摺黒潮巿場,
愛嫒縣松山市..

午晚餐~
「四万十屋」名物鰻魚飯
松山市鄉土定食.

大清早天氣麻麻,
帶去的雨傘遺留在大阪的酒店, 唯有到便利店買即棄雨衣,
實在太貴啦, 要8百多日元一件, 一把傘平d, 600日元,

Continue Reading...

8日8夜日本四國環島自駕遊 ~ 第三日: 德島縣~ 三好市~ 祖谷~ 高知縣

第三日:
出發往三好市之祖谷藤蔓橋, 大步危峽, 小步危峽,
同埋好有驚喜的[小便小僧],
再驅車往高知縣..

食嘅有:
又凍又滑潺潺嘅蛋飯;
しゃぶしゃぶ温野菜」任飲任食豬牛火鍋.

呢日天氣真係好,
由德島縣往高知縣沿途風景優美, 空氣清新..

Continue Reading...

8日8夜日本四國環島自駕遊 ~ 第二日: 兵庫縣 ~ 淡路島 ~ 鳴門市~ 德島縣.

第二日:
一早往便利店買飯團三文治做早餐, 到租車公司取車,
兵庫縣淡路島參觀第一個景點.. あわじ花じき,嗚門大橋,
午餐到達德島縣食拉麵,
靈山寺,
「第九の里」物產館手信店...

午晚餐:
「麵王」德島拉麵;
滑蛋豬扒飯,

Continue Reading...

8日8夜日本四國環島自駕遊 ~ 第一日:大阪

去完義大利隔唔夠兩個星期又要出發啦,
其實呢個旅程早係6月時已經開始計劃定,
比起去義大利還要早呀.

去日本我最嘆架,
有超級領隊, 又有超級司機,
策劃行程, 報package, 租酒店, 租車, 搵食都無我份.....做,
剩係人到得架啦~

今次係第一次去日本嘅四國, 四國幾個縣去晒囉 :-
兵庫縣 ~ 淡路島あわじ花じき公園, 鳴門大橋.
德島縣 ~ 靈山寺, 大步危峽、小步危峽、小便小僧.
高知縣 ~ 400年歷史名城高知城, 四万十川, 土佐清水, 四國最南端之足摺岬、、金剛福寺、足摺黒潮巿場.
愛媛縣 ~ 松山城, 日本三大古老溫泉之一道後溫泉,
香川縣 ~四國最大型購物商場You Me Town, 金刀比羅宮, 瀬戶大橋(途經), 岡山果園桃茂実苑.
大阪 ~ 神戶祇園, 京都, 心齋橋, 黑門市場.

第一日午晚餐:
心齋橋鐵板燒;
心齋橋「北のほたる」任飲任食放題.

Continue Reading...

是日晚餐: 義大利"0"號麵粉pizza

有次上烹飪堂,
老師話有隻 "0" 號麵粉整pizza好好食, 叫我地留意吓邊度有得買,
見到話佢知, 等佢買到就開班教整pizza,
喺香港真係唔多覺有,
喺義大利超市比我搵到,
買咗一包咁多,都成kg呀,
日日入廚房望見包麵粉都唔想郁佢, 總係覺得整pizza好大工程,
今晚'的'起心肝整pizza做晚餐...

Continue Reading...

10日意大利城鄉薈萃遊第九~十日: 米蘭, 赫爾辛基.

10日意大利城鄉薈萃遊完結囉,
估唔到最後一日都有驚嚇,
坐車往機場途中，領隊收到航空公司訊息,
飛機要延遲8個鐘,
由羅馬飛往赫爾辛基之後要遲多8個鐘先可以轉機返香港,
原本晚上11點幾起飛改為早上7點幾起飛,
幾驚要喺機場過夜,
幸好航空公司提供酒店,每人有一張€17的餐劵,
可以喺機場買快餐, 最緊要係可以洗白白同刷牙仔, 又瞓到3個鐘,
仲無啦啦住多一晚赫爾辛基...

Continue Reading...

10日意大利城鄉薈萃遊第八日: 米蘭

第八日行程: 米蘭
參觀史福才古堡,
自由購物..

行程尾聲, 有好多自由時間,


 

Continue Reading...

huaband 的早餐 ~ 朱古力合桃蛋糕

husband的早餐好易辦,
因為husband早上食鹹甜都無所謂.....
都好耐無整蛋糕啦,
屋企有齊材料,
可以開工囉!

Continue Reading...

激C人啦...

我都算落後咯..
上個星期先買咗個智能電話, join埋個無限上網嘅plan,
本來打算買LG, 因為以前用嘅都係粉藍色LG, 鍾意佢粉藍得嚟好靚,
今次無我喜歡嘅顏色,
揀咗部白色嘅Sony Xperia j,

Continue Reading...

10日意大利城鄉薈萃遊第七日: 帕爾瑪(Prama) ~ 蒙那利勞(Maranello) ~ 蒙特納(Modena) ~帕爾瑪

是日行程:
往蒙那利勞區參觀法拉利超級跑車博物館
往蒙特納區參觀陳年醋釀製講解
帕爾碼市內觀光
品嘗prama ham 和 parmigiano reggiano 芝士

Continue Reading...

10日意大利城鄉薈萃遊第六日 ~蒙地卡汀尼(Montecatini) ~ 拉士碧芝(La Spezia) ~ 帕爾馬(Parma)

第六日行程:
往拉士碧芝區(La Spezia) 轉乘火車遊五鄉鎮(Cinque Terre)
往帕爾馬(Parma)

呢日終於去五鄉鎮啦,
早前在"背包遊世界"網頁, 見到五鄉鎮嘅相片, 覺得好靚,
於是搵下旅行社嘅行程, 睇下邊個行程有得去呢個地方, 
可以話去五鄉鎮係今個行程嘅目的呢.

在五鄉鎮的Riomaggiore and Manarola 有一條小徑叫"情人路”,
小徑沿著岸邊小山上, 聽講風景好美, 仲可以帶埋把鎖去, (呢...好似大陸咁囉)
可惜因為較早時有大暴雨, 封咗路無得行 ,
條"情人路"要等到出年春季先會再重開.

 

Continue Reading...

牛肝菌意大利飯(2人份)

到意大利當然買返d食材啦,
芝士, 牛肝菌, 意大利火腿, '0'號麵粉(聽講話整pizza好正喎), 松露醬....
仲有就係買埋米添呀,
如果唔係成日驚過20kg行李, 一定會買買買.....

Continue Reading...

10日意大利城鄉薈萃遊...第五日佛羅倫斯 ~聖吉米那諾(St. Gimignano) ~ 蒙地卡汀尼(Montecatini)

第五日行程:
離開佛羅倫斯前往Chianti 葡萄園區
聖吉米那諾(St. Gimignano)，
蒙地卡汀尼(Montecatini)

Continue Reading...

10日意大利城鄉薈萃遊...第四日佩魯賈, 聖瑪利諾, 佛羅倫斯

呢日行程最主要都係到聖瑪利諾...歐洲四小國之一,
世界上最小的共和國, 亦是世界上現存的最古老的國家。
一個名叫馬力諾的基督徒石匠, 為逃避羅馬帝國皇帝對基督教徒的迫害而創立.....
我有聽書架. 不過記唔記得晒又另一回事 lu.
以往其他領隊, 講得一陣我就瞓著啦, 今次聽足全程呢!

10月1日係聖瑪利諾國慶, 好熱鬧呢,
可以欣賞到一個好親民嘅閱兵巡遊, 好開心呀~

Continue Reading...

10日意大利城鄉薈萃遊...第三日佩魯賈, 亞西西.

第三日行程:
亞西西 Assisi
聖芳濟各大教堂 Saint Franseco Basilica
佩魯賈11月4日廣場大噴泉 Perugia Fontana Maggiore

Continue Reading...

10日意大利城鄉薈萃遊...第二日羅馬, 佩魯賈.

是日行程:
白露里治奧古城 Bagnoregio
奧維渥特 Orvieto
伊特魯行亞人地下洞窟 Etruscans Grotta
大教堂 Duomo

瞓醒一覺, 懷住開開心心心情出發,
一上旅遊巴又係鬧呀鬧,
說是旅遊巴司機遲到, 沒有在酒店門前, 開定巴士冷氣...座位問題等等..
實情係司機一早己到, 只不過等我們集合齊人才把車駛來, 免得阻礙其他酒店客人.

真係讚吓領隊, 對於那些無禮呼喝, 無理責罵, 任何要求都盡量配合,
日嘈夜嘈, 幾時先捱到10日完呀, 好影響我旅遊心情呢,
多謝領隊處理得好好, 可以過番幾日寧靜日子,
唔開心嘅唔再提啦,都係開開心心重溫一吓今次旅程先~

呢日去古城, 都要行幾多鈄路,
不過d空氣真係好清新, 所以我都要大大力索.......氣.

Continue Reading...

10日意大利城鄉薈萃遊...第一日羅馬

第一日羅馬....羅馬競技場, 君士坦丁凱旋門, 羅馬許願泉, 西班牙廣場

10日嘅行程幾乎去咗12日,
原本個團係早機, 我地坐芬蘭航空, 要坐凌晨機, 變咗早一晚出發,
返港時因機件故障, 原本係晚機, 變咗係早晨機, 真係抵玩呢...

上次去意大利剛剛97回歸,
記得當時坐在一個小鎮餐廳, 看著電視睇交接儀式,
隔離枱客人仲問我地嘅感覺如何...

一出發就發生一段小插曲,
我地去到機場集合區, 已經有團友等緊, 好自然行埋去一齊等,
點知等到集合時間仲未見領隊出現,
正正一到集合時間, 有人好勞氣打電話比領隊, 鬧呀鬧....
原來領隊早已到咗芬蘭櫃位, 霸定個頭位比我地check in..
一個誤會開始.....
往後還有很多大大小小插曲...

遇著d好攪野嘅團友, 真係好影響心旅遊心情, 幸好有個pro嘅領隊一一將事情化解,
覺得還是自由行好, 下次要自駕遊

坐飛機都有menu, 好貴呀~



航機由香港先往赫爾辛基, 再轉機往羅馬,
赫爾辛基機場有中文指示, 雖然係簡體字, 都覺得親切呀.




千其咪買A貨呀~ 不過呢件衫設計都唔錯...







到咗羅馬市中心,
因為早咗凌晨機, 去到羅馬很早呢, 可以玩多一日, 所以午餐和晚餐要自己搵食.




出門前得到很多朋友忠告....
羅馬治安很差, 專搶中國人財物, 所以我身上都無錢, 全部交晒比保鑣看管..
羅馬車多人多, 又有好多警察, 無想像中咁恐怖, 只係成街都係人, 行得唔悠閒咁囉.




以前到過兩次羅馬都係搭的士經過競技場, 只得遠望, 今次可以近距離接觸..

唔夠時間, 我地無入去參觀, 隔住鐵欄杆影吓相,
不過我都唔見入面有人呢.

在競技場對開, 有君士坦丁凱旋門.

羅馬大噴泉....
呢度有好...好...好多人呀, 好迫, 又見到好多同胞呢~
又有人舉行婚禮...




要影張無人嘅相, 要影...天呀~~~

今次無幫襯過麥記, 唔知佢熱賣緊咩呢....

炒栗子小販檔, 好鍾意佢盛栗子嘅設計, 係個雪糕筒, 但係裝得唔多囉.




價錢唔貴, 不過我都無買呢,
成日要提自己, 要嚟封塵嘅唔好買呀.




d蛋好假好似塑膠咁呢.




我地第一樣食嘅就係意大利雪糕,
€2.5~3.5大大杯, 又可以攔兩個口味, 唔算貴囉, 日本起碼350yen.




嘻嘻! 見到就開心啦.




5條美腿, 可惜搬唔到返屋企.




第一日, 見到都唔買得住...




開餐啦....
餐廳個靚仔意店員識煲冬瓜, 好犀利呀..




我一定會影晒食嘅野, 睇番都開心嘛.




樣樣都好美味, 好開心呀~




最正呢個爐燒pizza, 好有炭燒味, 材料鮮美....




因為好多祖國同胞囉..




西班牙廣場一樣咁多人.




相中最左拎住玫瑰花嘅吉普賽伯伯, 都幾慘架, 邊會有人幫佢買花吖,
佢一行埋嚟, d人走開架啦, 我都係一樣囉,
有對外籍夫婦就係咁, 走都走唔切, 漏低太陽眼鏡喺地都唔知,
吉普賽伯伯執番眼鏡比佢地, 可惜追唔到.




晚餐都係自費, 都幾攰吓, 無出去搵食,
呢晚喺住嘅酒店開餐, 開咗支酒慶祝吓...
成間酒店餐廳酒面得兩個人咋, 我地一大團人突襲,
佢地就以慢變處大變, 真係一d驚惶失措都無架,
好囉..唔使咁緊張, 慢慢嘆就慢慢嘆啦.....




我都係覺得我整嘅沙律好樣d呢..




千層麵




雞肉芝士沙律, 芝士好鮮味佐酒一流呀....




見到又想食啦~


第二段插曲又發生囉....
話說參觀完競技場, 領隊點好人數, 行返去旅遊巴,
點知上到旅遊巴, 少咗兩個人,一對年老夫婦唔見咗,  等呀等...
領隊落車搵人, 我心諗咁大地方咁多人點搵呢???!!!
其間在車上聽到, 同團呢對夫婦朋友話...佢地拎嘅相機, 剩係鏡頭都唔知幾多萬,
一人一部相機, 擔心佢地比人捉咗去云云....
我都驚起嚟呀, 希望唔好發生唔開心嘅事啦,
好彩, 終於見到佢地同領隊上返車.


之後有人就將責任放在領隊身上,
領隊真係無辜呀,
我聽到老年夫婦朋友講, 集合之後, 行去旅遊巴之際,
佢地去咗影公廁, 影完出嚟唔見咗我地, 又蕩失返旅遊巴嘅路,
我地就喺車等咗佢地半個鐘囉, 老年夫婦上車時一dd歉意都無,
搵番算好彩.....


查實公廁有咩好影呢

Continue Reading...