Honey Comb

去澳洲旅行時買過一種叫honey comb嘅糖, 屋企人好鍾意食, 雖然唔知道佢地用咩材料, 我就覺得同焦糖脆脆嘅味道和質感都好似, 而且仲比起澳洲買嘅更加鬆脆呢..

 

材料: 糖162g, 蜜糖25g, 粟膠62g, 梳打粉7g.

做法: 先放糖落煲內, 加水, 水嘅份量剛剛好蓋過糖(煲邊一定要無乾嘅砂糖, 因為會好易燶), 再加蜜糖, 粟膠.

 

全程不要攪拌, 用中慢火煮至約165度C

 

 

 

煮至大約163度時, 滾起嘅泡會較細同密.

 

拌入已篩的梳打粉, 即用拂蛋器快手拌勻(這時焦糖漿會迅速膨漲, 小心熱呀), 倒在焗爐紙上待涼.

 

用嚟做焦糖脆脆蛋糕就係佢嘞, 不過屋企人就當糖食囉!

 

去買白砂糖果陣, 見到d太古糖有d註明係韓國製造, 有d只係寫香港包裝, 連產地都無, 唔怪得大包裝嘅砂糖比較幼細, 細包裝嘅比較大粒仲有d光閃閃咁, 終於罷買, 揀咗澳洲嘅, 做出嚟嘅honey comb好好味喎.

Continue Reading...

週年紀念日

我好少食大閘蟹, 因為怕佢寒涼, 每年只可以半隻起一只止, 所以特別恨食; 趁住節日可以放肆一吓, 不過去到菜館見人地食嘅都唔係好肥美, 唯有留待下次, 唔好嘥咗個quota.....

 

 

 

 

 

呢個東坡肉, 隔離枱都有order, 一個13~14歲小妹妹評語:

.....(碟東坡肉一上枱)嘩! 正! 要叫碗白飯先得...

.....一咬落去d肥豬肉嘅汁咇晒出嚟...

.....(食食吓自言自語)此應只有天上有...

唔係我八掛, 只係依家d上海菜館嘅枱擺得好密, 夾埋人地碟餸都得.

 

 

 

 

 

愈食愈大碗嘅担担麵, 因為佢發漲嘅速度快過我地食, 下次要快過佢.

 

嘻嘻! 28週年的禮物.

Continue Reading...

有趣

出外旅行總會留意一吓周圍景物, 又幾有趣, 拍下回味一番...

一個泊車位嘅告示牌. 以前聽講過, 起初日本人沒有姓氏, 一次人口統查, 用咗佢地居住嘅地方做姓氏, 所以有山口, 田中, 井上....不過諗左好耐都諗唔到猪鼻

依世完..

喺川越市喜多院(廟宇)附近嘅街燈都掛有[不動明王].

行[藏王山], 喺纜車站見到呢張告示, 好緊張呀!

一人去10次...

街道上嘅地磚, 好一幅大地圖.

唔知佢係呀笨定呀Jim?

食咗會變超人嘅酸梅.

栗子嘅果實原來係咁嘅.

之前喺老友個blog見到呢把傘嘅相, 覺得好靚好得意, 濕水後會有櫻花嘅圖案出咗嚟, 我心諗佢做咩唔買, 如果比我見到, 我一定會買; 而家比我見到嘞, 我一樣都係無買, 原來鍾意還鍾意, 擁有又另一回事.

呢間餅店好細心, 枱上放咗專印口紅嘅紙, 等你可以抹咗d唇膏先食野..

大宅裝修, 公告天下.

哈哈!只可以試食一粒咋. 嚴禁掃貨?

蟹仔......陰公囉.......

好實用嘅設計....

早上八點幾嘅[池袋]街頭, 好奇怪個個都係朝一個方向上班, 不過佢地個個都係一樣.........無表情, 無朝氣.

喺一間拉麵店, 重遇[龍珠卷一], 我同我個女嘅至愛, 睇卡通片都追一大餐.....

卷二, 卷三, 卷四..........差唔多齊晒.

一心入去shopping, 行行吓覺得怪怪的, 又見到記者訪問, 原來開業30年的百貨公司結業last day.

趕佢都唔走, 好在係蜻蜓, 如果係小強就相機'dum'埋都有份.

返咗祖國?

隱者必備...

好型呀~

唔好盡信嘅GPS, 又累我地行多好多路, 還車時, 同間公司反映番, 原來d 資料係兩年半前.哼!下次租車記得要最新嘅版本嘞.

初初睇番呢張相有少少錯覺, 有個白色方框飛起, 仲有個影係地下, 實情係一個道路交通標記同一個坑渠藍.

又抬米....

自駕遊其中一個好處係見到靚景可以停車欣賞一吓風景兼影相.

呢張相真係驚險......當我同husband喺間溫泉酒店門外散步, 有個呀伯, 可能係酒店嘅職員掛, 佢主動話幫我地影相, 當佢按咗一吓快門, 見無閃燈(因為我set左無閃燈), 呢位伯伯想再補影多一張, 不過佢用手猛咁挖個閃燈出嚟, 嚇得我husband即刻上前幫佢, 咁就影咗呢張相.後嚟伯伯送咗一對紙鸛比我地呢!

Continue Reading...