網頁

2009年10月30日 星期五

生疏了的雪芳蛋糕.....伯爵奶茶雪芳

好耐無焗雪芳蛋糕了, 生疏晒啦........打蛋白霜時猛問自己......得未呢? 得未呢?


 



伯爵奶茶雪芳


 


 



一食落口, 咦點解咁嘅, 雖然唔係乾, 仍然軟軟的, 氣泡太大了, 總之唔係咁好食.


要努力啦.......


Continue Reading...

2009年10月28日 星期三

燴印度咖哩羊肉

煮這個菜唔係喺屋企食飯, 而係拎左去BBQ....


相約好和東歐旅行的朋友BBQ兼睇相, 見雪柜有半隻羊脾, 乘機可以清左佢嘞....


 



見佢地咁欣賞我都好開心呢!


又計劃出年5月去日本睇櫻花...


 


Continue Reading...

2009年10月24日 星期六

意大利.普利亞省 (Puglia) 風味菜示範課堂@ TGC [23-10-2009]

為紀念高級意菜正式登陸香港及亞州地區二十週年這個里程碑,由10月20日開始, 首次舉行的 "意大利佳餚亞峰會" 在香港舉辦一連串活動, 今日係最後一日, 除左喺多間著名意大利餐廳舉行特色午餐及晚餐外, 當中還包括有烹飪課程, 餐酒品嚐等等節目, 有四個課堂在TGC舉行呢, 可惜我知道得太遲, 只可以報到這一課




 這課的導師係  Master Chef Mino Maggi, 他是普利亞省Puglia首府巴里市Bari烹飪學校的導師,並被公認為推廣傳統「亞普利亞」菜的大使,經常為此而遊歷世界.






Pasta Maritata with French Beans, Cacio Ricotta & Baked Tomato Sauce





Rice, Potatoes & Mussels Casserole.








因為有好多青口剩, 呀 Sir 教額外我地煮這味焗青口, 好好味呀.





好豐富, 好多材料.......全都係我的至愛





還即場教授home made pasta, 只係用semola 加熱水搓便可以了, 不過要好好心機一粒一粒咁整, 比我唔知要整幾耐先整到一碟呢.





一入課室見到有咁多青口, 開心死啦!









Parmigiano Cheese 係硬身的羊奶芝士





Cacio Ricotta Cheese





Pasta Maritata & Carnaroli Rice





上完堂, 再嘆埋呢杯即磨鮮奶咖啡, PERFECT!!

Continue Reading...

2009年10月16日 星期五

滬式鎭江骨

今日行過街市見到d一字排好靚, 唔理點整住買左先啦!


 



用個le creuset煲炆出嚟嘅餸菜比起以往用不锈鋼煲的確係夠鑊氣好多.....


 



 



 


材料 :


一字排   約1斤4兩


薑               3片


蔥               4條


黑椒碎       1/3茶匙


清水           一杯


八角           1粒


果皮           1片


 


 調味:


生抽        40g


老抽        1湯匙


荔枝醋     40g


鎭江醋     100g


冰糖         80g


砂糖         1湯匙


 


1.一字排斬成4厘米長件洗淨瀝乾水份備用.


2. 燒熱鍋, 下一湯匙油爆香薑蔥, 下排骨兜炒片刻, 下黑椒碎, 八角, 果皮, 贊酒, 加入清水及調味.


3.待煮滾汁料後, 用慢火炆至腍身收汁(約1小時15分鐘).   亦可炆好後盛起排骨, 用生粉水勾薄芡淋於排骨表面.


      


 


Continue Reading...

2009年10月15日 星期四

清酒番茄示範課堂 @TGC [30-9-2009]

最鍾意跟Ricky sir 學煮野食...簡單....好味, 堂上氣氛又好, 好開心的, 有時呀 sir仲會拎佢餐廳做的菜比我地食...




清酒蕃茄.

用清酒浸過嘅羅馬蕃茄味道一流, 伴上用清酒整嘅啫喱加上薄荷葉, 味道清新...





prama ham 牛肝菌飯, 我食左3碗仔呀.....

如果要煲好大煲飯而又唔係用電飯煲嘅話, 煲飯嘅時候, 首先煲滾煲水, 放一半米, 攪動一吓d米, 等佢再滾時倒埋其餘嘅米, 拌勻, 等再滾, 就可以蓋上煲蓋用中慢火煲至熟, d飯就會熟得均勻架嘞.





冇 cream 的creme brulee, 係呀sir 係北海道食過, 佢覺得好正, 自己再整番呢個味道出嚟的, 冇 cream都一樣咁滑, 因為佢用左北海道牛奶同日本雞蛋呢, creme brulee嘅食譜實在太多啦, creme brulee嘅香味好睇用左乜野雞蛋呢....





咸豬手凍(我作住個名先啦) , 係呀sir係佢餐廳整好拎嚟比我地食, 超好味呢, 個個都叫佢教, 聖誕節有得學啦...

Continue Reading...

2009年10月14日 星期三

東歐之旅....最開心的收穫

喺 捷克 有間麥當當, 咦! 佢地換嘅杯同香港唔同喎, $109克郎食個 fresh menu 加$10克郎就可以帶呢隻杯返屋企啦. 倒晒個袋d克郎, 只得三拾幾蚊, 唔夠呀! 多謝班自己團友為我集資, 同埋冒住生痱滋嘅危險(因為佢地已經好熱氣, 唔想再食d熱氣野), 買左呢個餐.......



 


 



好多謝佢地啊!


 



獨一無二嘅紅酒..............我指張招紙呀.


 



我最鍾意買嘅玻璃器皿



 


 



令我蕩失路嘅朱古力


 


雖然只係5個國家, 總算去過東歐, 平時去旅行都係自悠行, 今次跟團都幾累呀. 最後返回慕尼克乘機返港, 差不多12小時的機程, 因為打風關係, 飛機到港時要在上空盤旋多35分鐘, 算好啦, 個風啱啱走左..安全到步.


Continue Reading...

東歐之旅完結篇

行程最後一日..........早一晚食左團友比嘅感冒藥, 又唔理咁多食左一粒安眠藥,  休息左一晚, 呢日精神好好多啦! 不過果粒安眠藥嘅藥力好持久呢......


都唔知點樣, 係薩爾斯堡蕩失左路, 同husband失散左, 當時真係驚架, 搵左好耐都搵唔到, 又遇唔到d團友, 愈行愈驚, 最終遇到一位團友佢話我先生係咖啡店等左我好耐, 我驚我又唔知會行左去邊, 唯有麻煩佢帶我去嘞...


 


 



原本同husband講去呢間Furst買莫札特朱古力, 點知一轉頭就搵唔番呢間舖, 再望番轉頭又唔見人, 仲愈行愈遠..............可能d藥力未過掛



husband都驚架, 唯有坐係舖頭等, 唔敢行開...


 


 


係薩爾斯堡買完朱古力, 再乘旅遊巴往慕尼黑吃午餐, 行吓街, 買吓豬手香腸, 就要往機場啦...



 


 



 


 



 


 



 


 



 


 



 


 



 


 



 


 



 


 



 


 


 


在慕尼黑最last的午餐



 



 



唔少得的.....德國豬手



 



又係唔少得的.......德國香腸



roast trout



蘑菇??......



 



漢堡扒



encore....德國香腸


 


太完美啦!  再見東歐......................


Continue Reading...