行完石屎路開始行山路喇.......
都有d 崎嶇...
呢段路無圍欄, 有少少驚, 我都唔敢望落去, 我驚碌落去呀...
kakaka...終於到左大澳啦.....
差唔多兩點, 好肚餓, 開餐囉...
素翅.........好大條翅啊! 同海虎翅差唔多啫....
上菜嘅仁兄好識做, 見我地影相即刻整個靚角度.
要預訂的鹽焗雞, $260蚊一隻, 正 ~ ~ ~
人多先可以食嘅椒鹽鮮魷, 我都好放肆咁食多件....
三姑扒滑嘟嘟豆腐
腐乳椒絲生菜.....比起小店的失色左d啦.
食飽又四圍行吓, 團友話要飲埋下午茶呢.
仲敢唔敢食咸魚 ~
嘩!好大隻膽固醇呀..
中式薄餅20蚊一個.
大叔好忙.....但係我始終都未食過佢燒嘅魷魚
財叔嘅茶果, 糯米磁好軟熟又多餡, 財叔話無份量架, 整嘅時候只係靠手感....
tea time..........其實飽到咩咁, 呢間士多(唔記得個名喇)呀穌介紹話正喎, 團友一定要食埋先返出去市區.
消滯茶, 中間肉肉酸果杯係凍檸檬茶, 上枱時大家你眼望我眼, 想退返比佢咁滯, 原來係咁架喎, 團友都讚好味呀....
食埋個tea大家都好滿足咁搭車走人喇, 不過仲有下文, 就係去尖沙咀一間旅遊公司開嘅日本貨品專門店, 因為大減價兩日, 上到去超多人呀, 一心去到唔買返d又唔抵咁, 買番少少啦...