2016 名古屋8日自駕遊 ~ 福井

10月23日
今日7:45分就要出發,
第一時間到租車公司取車,
到福井海鮮街吃平靚正午飯,
再往東尋坊吹吹海風,
然後往丸岡城參觀日本最古的天守閣.
住宿Fukui Manten Hotel Ekimae

朝早天色好美, 雲層好立體.

大概是星期日的早上罷, 街上很少行人.

遇到休息立站慣例都會停一停,
看看有沒有趣緻的東西可以買.

今次租的八人車.

福井海鮮市場.

真係好抵, 最主要係新鮮,
我坐低左, 團友去搵食,
有刺身, 生蠔, 海膽, 牡丹蝦, 燒魚.....
因為係第一日原故,
我唔會放肆, 吃熟的多,
免得拖累往後行程.

每一個景點一定會有條食物兼手信街.

無研究呢個東尋坊景點有什麼歷史遺跡,
開開心心影下相就夠.

旅遊日本一定唔會餓親,
血糖低都唔使驚, 附近一定有部機幫到你,
暖暖的紅豆粥好香豆味.

吹完海風
再去丸岡城參觀超過五百年歷史的天守閣.

日本最古的天守閣

上城樓要爬上這道很直的樓梯,
所以上落都要拉著繩子,
沿繩爬樓梯而上才知自己身體好.

在最高層望出風景.

參觀完城樓就睇國寶,
可惜不可影相,
奇怪有中國的文物.

Continue Reading...

自家製义燒

我説買豬肉整义燒，
肉檔老闆特登開一隻豬，
切出3塊梅頭肉，
接上手肉還是暖的，
果然是好豬，
义燒肉質鬆軟，
肥廋適中，
义蛋飯，义燒麵靠曬你喇！

接上這三件梅頭，心諗一定要比心機做好佢，
打開雪櫃才發現海鮮醬剩番少許，
甜麵醬又用完，
唯有盡量用其他醬料:－
大約一斤梅頭（60元）
大約一湯匙海鮮醬
一茶匙鹽
4湯匙糖
半湯匙薑汁
3湯匙半生抽
一茶匙老抽
一湯匙玫瑰露酒
一茶匙日本麵豉醬
放雪櫃醃過夜

 250度焗18分鐘
反轉面焗12分鐘
（視乎豬肉厚薄，
今次豬肉比較大件，
按落义燒質感覺得未夠時間，
再用190度焗多15分鐘）
焗好塗上蜜糖
放涼20分鐘才切！

醃肉剩下的醬料,
加同等份量水煮滾用作做义燒汁，
因為用左日本麵豉所以有些小粒粒，
煮滾時用蛋拂打就會溶曬，
今次好滿意，真係好好味！

Continue Reading...

2016 名古屋8日自駕遊 ~ 名古屋

10月22日
慶幸8號風球的海馬走得快,
早上往名古屋的航班沒有影響,
我們一行8人的座位都被提升到特選經濟客位,
大家都說是個好開始,
可惜天氣預報頭幾天都是密雲, 還有一天會落雨.
落機後不用拉著行李喼乘電車往酒店,
好友預早訂定專車, 直接由機場往酒店,
由機場乘電車往酒店要1230日元/人, 專車1776日元/人,
當然選省時省力的專車喇.
今個行程一如以往, 好友安排一切, 真係好幸福.

 放好行李急不及待出去逛街.

首要食番碗拉麵,
見到拉麵太興奮, 沒有為拉麵影張相,
好喜歡日本拉麵有好多好多芽菜.

 名古屋街頭, 第一次到名古屋呀.

見到有呀囡喜歡嘅卡通人物,
即刻影張相whatsapp比佢問佢要唔要.

晚飯的餐廳[鳥開総本家]
依家喺日本訂枱比以前難,
好多都要留日本電話先有得訂,
一係要電話回覆確實,
連訂酒店都要比信用咭資料, 以前都未試過.

 雞煱的雞好滑.

 飲料放題好多選擇.

 食完雞煱, 放入一大碗白飯, 變雞粥.

當然唔少得名古屋著名雞翅膀,
好熱氣都食左3隻.

 好多餐廳都有萬勝節裝飾.

日本蕪花果清甜多汁.

其中一位團友生日, 靜雞雞買左個生日蛋糕慶祝.

住宿 Mitsui Garden Hotel Nagoya.

Continue Reading...