美國遊記７月９日 ～ 大峽谷

由拉斯維加斯駕車去大峽谷, GPS生生性性又無迷路嘅話, 大概要4個至4個半鐘車程.
我們車程途中在休息站食下嘢, 又有少少迷路所以用咗5個半鐘.
無意中又去到一個叫Williams 嘅小鎮, 好西部牛仔feel,喺鎮食左個美味晚餐.
最估唔到大峽谷呢日得番拾幾度, 又凍又落雨又大風, 凍到要搵衫買, 揾勻旅遊中心的紀念品店都無外套，自己一條頸巾加一壼熱水免強頂得住.
由拉斯維加斯去大峽谷, 一來一回, 早上7點出發, 晚上1點幾才返回酒店,攰到呆呆地.

好雄偉, 好值得去.

遠處的大雨又灑過嚟喇...

離開大峽谷返回先前遇到的小鎮, 剛巧有個表演, 砰砰聲真係開槍咁聲..

Continue Reading...

美國遊記7月7~8日: 拉斯維加斯

在細佬屋企歎抖了幾日, 旅程正式開始, 在波士搭機去拉斯維加斯也要幾小時機程.
一落機已經見到拉角子老虎機(其實都唔知佢正確名稱係乜) , 等行李的地方有, 租車的地方又有,即刻感受到賭城的氣氛.
第二樣感受到嘅係拉斯維加斯的熱力, 行咗一條街, 鞋底軟晒.
無熱病真偷笑呀!

 取車手續好簡單, 辦好文件手續, 去佢指示嘅carpark停車位就攞得車, 無人理你又唔會有人同你檢查部車.
不過在日本租車就比較貨真價實, 上網租車時講明幾多錢就幾多, 在這裡辦文件手續時才加上附加費用, 租十一日車五佰多美元, 但保險, 稅, 額外司機附加費等也要五佰多元, 差不多和租車價錢一樣呢.

車子一駛到賭城心臟地帶, 被五光十色的燈光吸引, 好興奮好似大鄉里出城咁.

Check-in完放好行李已經晚上11點幾, 又餓又攰, 在酒店是但吃了一碗越南湯粉, 美國的碟頭份量永遠都是大大份的, 雖然很餓仍然食唔晒.

 酒店房間窗外景色.

熱狗早餐, 奇怪只係比包和香腸, 原來醬料自己加, 可樂也只是比隻杯你, 要幾多自己加, 而且可以添飲.

 好熱好熱, 見到水最開心. 我們第一時間也到超市買了一箱水和一箱汽水.

 有纜車往來兩酒店之間, 好受歡迎架.

 忘記在那裡影的相, 可以望到城外沙漠區.

第一晚當然係食自助餐, 因為人人都話拉斯維加斯的自助餐又平又好食, 而且環境舒服.

 炒飯 ~ 一盒盒好得意.

一份份西班牙炒飯..

 連炸雞都係一份份好好玩咁呢.

 好似有人在玻璃柱內, 其實只係投影, 好逼真呀.

食完自助餐去欣賞了一場KA by Cirque du Soleil的表演, 有時精彩有時悶咁囉, 因為表演其間唔可以拍照, 所以只影了未開場這張相. 老外睇表演好斯文有禮, 睇表演其間好靜架, 應拍掌時拍掌, 完場時更有人站起來鼓掌.

幾日來在這裡聽得最多一句話是"water, one dollar" 路邊小販叫賣聲, 連過路的小孩都模仿, 通街都 "water, one dollar".

Continue Reading...