呢排yahoo真係有病, load親相都偷工減料, 係要你load3次先load晒d相.
呢日約埋一齊旅行的團友行山兼食海鮮, 天氣都唔錯吖, 雖然行到出晒汗, 不過久唔久都有d風, 好舒服呢.
真係咁唔掂? 招牌都跌埋.
行到大草地有好多蝴蝶, 佢地都唔怕人咁, 任你影, 我行到好近都唔飛走..
今次全程都係行石屎路, 下次想行水塘邊啊!
行完城門跟住去流浮山, 當然係坐車去啦!
支冰酒係團友舊年喺奧地利買的, 導遊話唔出口架喎, 好飲呀, 近排轉左口味, 鍾意飲白酒多過紅酒呢.
海鮮豆腐湯
白灼九節蝦, 好鮮甜呢
好甘香的香煎金蠔.
蝴蝶蚌, 第一次食, 有d似赤貝
豉椒炒聖子, 好野味.
蒜蓉蒸帶子, yum
蒸鮑魚
炒花鬼魚球, 真正海魚好彈牙呢! (其實我都未聽過花鬼魚都唔知佢係乜鬼魚)
炆花鬼魚頭腩, 炆得夠乾身, 又無碎骨, 超好味
流浮山邦記 ~ 團友已經幫襯左呢間舖頭成三拾幾年架啦.