早排喺德福嘅market place 見到有來自英國威爾斯嘅羊肩, 一pack真空包裝的大約有500克重, 買咗一pack 試吓, 味道唔錯, 唔會有太多肥膏, 我焗到剛剛熟, 一d都唔'鞋'唔乾, 肉質都好鬆軟, 好有肉汁, 有時間再去買.
羊肩: 除去本身包裝嘅尼龍線, 用廚房用綿繩捆好, 用黑椒碎和鹽調味; 落少許油在煎pan上, 用中火煎至表面金黃, 煎封好表面之羊肩連同迷迭香放入已預熱160度焗爐, 焗35分鐘(視乎喜好的生熟程度加減時間).焗好之後攤抖10至15分鐘先好切呀.
蔬菜 : 用少許油爆香兩粒切碎蒜頭, 加入半個洋蔥粒炒香, 落多少少油後, 再加入一隻茄子粒炒至軟身, 再加入半隻紅椒粒, 半隻黃椒粒炒片刻, 加入一罐蕃茄煮約10分鐘, 再拌入2湯匙白酒醋及兩湯匙糖, 最後加鹽調味.
依據包裝上說明, 焗好嘅肉, 肉內嘅溫度60-65C係rare; 65-75C 係medium; 75-80C係well done. 記得第一次焗肉, 想知佢有幾熟, 我用支溫度計去ckeck舊肉有幾熱, 但當我抆返支針出嚟, 睇住d肉汁喺個針孔猛流出嚟, 跟住舊肉好似肉乾咁, 我以後都唔會再咁樣做嘞.呢個經驗幾好.....