網頁

2011年5月30日 星期一

蜜汁义燒

近排見好多朋友都自己整义燒, 我都整吓, 原來都唔係太複雜, 反而覺得最難買到塊靚嘅枚頭豬肉, 聽人講最好買"拖地豬肉"仲要肥嘅, "拖地"即係 "格肋底"對落同背脊之間嘅肉, 喺街市買豬肉時照講要"拖地", 不過個豬肉人兄唔多睬我, 照切舊瘦嘅肉比我, 今次識say no嘞, 大聲話: 我要肥嘅~ ~ ~

整好之後我可以唔食肥嘅部分, 近住肥嘅瘦肉都好食過瘦蚊蚊嘅瘦豬肉吖嘛.....

比想像中易整, 整好醃料, 醃兩三個鐘, 呢塊豬肉約5百幾克, 我用煤氣焗爐230度, 焗約30分鐘, 中途反轉一次, 最後塗上蜜糖再焗片刻即成.

醃料都係糖, 鹽, 生抽, 薑汁酒, 磨豉醬, 當然唔少得海鮮醬.

今晚加料 ~


Continue Reading...

2011年5月29日 星期日

水蜜桃撻伴芒果熱熱果雪糕

今日下午無出街, 喺屋企整咗個上個星期喺L'Atelier du Goût 學嘅撻, 好少咁有效率 ~

無法式mousse圈, 用個撻模頂住檔先.

 

今日嘅下午茶 ~

食完下午菜, 要執吓個廚房lu...


Continue Reading...

2011年5月26日 星期四

心葉蘭

種咗4年幾嘅心葉蘭, 今年又開花啦, 天而且今年花開得特別多, 有8個花球, 有d花球仲喺有兩重的.

 

花蜜比以往深色, 試咗少少, 花蜜好甜, 好濃嘅焦糖味~

 

未開花前~

 

 

 

朋友話好似日本嘅和果子.

 

 

 

 

 

 

 

呢個花球有兩重花蕾.

 

 

 

 

 

4年幾前由朋友嘅心葉蘭割下一塊葉, 浸水至出根, 落泥, 依家可以開枝散葉囉.

大約兩年前, 分別送咗兩塊葉比兩位朋友, M君的心葉依然原封不動, 都係一塊葉, 我說笑, 塊心葉對佢一心一意呢!

另一位朋友C君, 佢話棵心葉長到成個森林咁, 比我嗰棵仲要大, 想剪去部份又唔捨得, 正在煩惱緊!


Continue Reading...

2011年5月23日 星期一

是日晚餐 ~ 西班牙海鮮飯

今晚食煲仔飯 ~

 

 

一打開煲飯蓋, 西藏紅花夾雜海鮮嘅味道撲鼻, 好香呀~

d材料多到見唔到d飯 ~

 

又拎隻酒杯出嚟曬 ~

 

早排執櫃先發現有樽saffron未開, 噚日去百佳見到d paella米 2拾幾蚊包, 平過citysuper好多, citysuper買成3拾幾定4拾幾蚊. .

 

可惜唔記得買檸檬呀, 如果加d檸檬汁就添味好多.

 

以前煮paella成日煲燶飯, 用咗呢塊武林聖火令, 唔再煲燶飯.

 

 

 


Continue Reading...

2011年5月22日 星期日

縮水芝士魚柳包

今朝返完教會落好大雨呀, 往車站回家途中經過麥當當, 心諗外買兩個餐, 返到屋企咪唔使煮午餐囉

原來麥當當又有新野換. 買個套餐轉加大碼, 即係比多$3.5, 就有一隻杯送.


覺唔覺得兩片芝士嘅位置好得意, 唔好以為係有兩片, 包面嗰角芝士可能要嚟做裝飾架咋, 就係得呢角.



查實片芝士係得咁多囉, 陰公! 不過話明魚柳包, 呢塊仔芝士可能已經係送架喇.



為左呢兩隻杯, 買左兩個加大碼餐, 杯可樂都飲唔晒, 下次要杯細嘅算嘞.

呢個杯係兩年前喺捷克麥當當換的, 大家都係ARC廠, 不過香港換嘅係大陸出品, 而捷克換的就係法國出品. 我仲未捨得用呢.



Continue Reading...

2011年5月19日 星期四

朱古力雪芳蛋糕

上回講到食飽飽星洲美食, 返到屋企先醒起唔記得買麵包比husband 做早餐, 一入屋就直踩入廚房量材料嘞, 最方便又快嘅當然係雪芳啦.

 

好快就焗好啦!

 

1. 蛋白4隻糖30g打起待用.

2.蛋黃3隻糖30g打勻, 加入菜油33g打勻, 再加入熱水45g拌勻(普通熱度);加入已篩低筋麵粉55g朱古力粉25g(我用Godiva dark chocolate powder)

3.先將1/3蛋白拌入麵粉蛋醬拌勻, 再把餘下蛋白分兩次加入拌勻.

4.把麵漿倒入雪芳模內.

5. 放入已預熱180度之焗爐內焗25分鐘.

6.焗好後, 倒扣放涼後才把蛋糕取出.

 

 

近排焗嘅雪芳蛋糕都唔係好幼細, 要練多d先得嘞.


Continue Reading...

星洲美食

有團友係馬會會員, 佢話馬會請咗位新加坡名廚喺餐廳主理兩個星期, 可以去試吓~


小食叫咗沙嗲, 煎蠔餅同手卷薄餅. 沙嗲醬最好味, 食蠔餅我都係鍾意食潮州蠔餅, 手卷薄餐材料有肉鬆, 蛋, 菜等等, 因為幾肚餓吓, 所以好快晒落肚, 仲有乜材料就唔多清楚嘞.



食新架坡菜唔少得嘅海南雞飯, 飯香濃, 不過油多左d, 我都係食細半碗好嘞. 雞就一般啦.



海鮮喇沙, 我鍾意呀, 唔係好辣, d湯比較清, 啱我呀, 最怕d湯有好多花生醬同椰漿,好似糊咁.



第一次食星洲撈麵, 有好多材料, 我鍾意呢個多過雲吞撈麵嘞.



黑胡椒蟹, 食唔慣呢個做法, 薑蔥蟹好味得多囉.



我鍾意嘅肉骨茶呀, 喜歡佢嘅藥材味道, 原來要伴油條吃的, 排骨索晒肉骨茶嘅味煮得又焾, 不過唔好意思食咁多呢.



海鮮福建炒米, 材料有唔同粗幼嘅米粉, 蝦, 同多士乾粒, 好得意噃, 麵包炒米.
咦! 點解福建又關新加坡事嘅?



甜品有炸香蕉, 好味呀, 脆脆淋淋咁, 香蕉好香.



唔知咩沙冰, 有一碟醬伴吃的, 估係咩野醬...



之唔係榴槤醬囉, 有人話(已經撈咗): 吓, 唔係呀嘛.  睇住佢撥番晒出嚟.



我就食咗呢碗星洲糖水, 有紅棗, 元肉, 蓮子, 仲有兩樣真係食唔出.
呢餐大至上都可以,  除左煎蠔餅鹹左d之外, 其他味道濃得嚟唔鹹, 最好係食完唔口乾.
食飯嘅時候見到李克勤喺隔離枱呀!
食完呢餐唔使去新加坡囉, 新加坡d野又貴又無野睇.

Continue Reading...

2011年5月18日 星期三

屋企條傻魚

呢條魚買返嚟嘅時候只有手指公咁大, husband話佢係花羅漢魚, 我覺得佢好似日本嘅鯛魚燒咁,  我地養咗佢都有兩年, 依家大過我隻手掌, 開心嘅時候佢會張開晒d魚鰭, 魚身仲會有紅色, 同佢玩佢條魚尾會擺得好犀利架.

佢仲好識食, 起初食魚糧, 買過d急凍豐年蝦比佢食, 佢就唔再食魚糧嘞, 有日買咗d鮮蝦諗住要嚟炒蛋, husband比咗少少佢食, 唉!佢食咗鮮蝦之後又唔食果d豐年蝦, 佢真係唔食就唔食, 試過兩個幾禮拜都唔食野, 學人絕食呀!

 

前日, 有個寬頻技師嚟安裝電線, 個電制喺個魚缸櫃側邊, 位技師唯有移開個櫃, 比個技師移一移....條魚驚到面都青, 成條白晒, 魚鰭都收埋, 真係陰公囉....

 

 


Continue Reading...

2011年5月16日 星期一

團友聚會

假期無乜節目

相約團友聚一聚

先嚟個早午餐

我最拿手嘅沙律

 

自助三文治

 

團友喺黃大仙買嚟嘅齋

好耐無食啦

d齋好好味

聽講呢檔齋都好有名氣的

 

跟住開工囉

一口氣整咗兩個蛋糕

但係兩個蛋糕都唔係我整架喎

我只係做監工

同執頭執尾

 

係咪好靚呢

証明我都講得都好清楚

 

再整多一個綠茶

好叻呀...佢

 

夜晚喺屋企開餐lu

等咗30分鐘先買到嘅出爐义燒好好味呀

以上都唔係我預備嘅

 

呢日好休閒我只係整咗兩味餸

再炒碟菜

左: 中秋節禮物

右: 聖誕節禮物

水晶杯好靚

多謝妳/你地呀

希望唔好比我咁快洗爛啦


Continue Reading...