今朝一早返教會, 臨出門口飲咗杯麥皮, 好似落唔到格咁, 跟住坐van仔又坐到我暈車浪, 好唔舒服; 崇拜完畢拿拿聲係麥記買咗個包食, 諗住返屋企即刻番瞓一陣, 但係又瞓唔到, 成日呆呆滯滯咁, 嘥咗一日勞動節假期.
無出街買餸, 自然又喺屋企個糧倉搵食.
咖哩羊腩粒: 少許橄欖油落鑊, 爆香2粒蒜頭碎, 落咖哩粉, 芫茜粉炒香, 加入羊腩粒炒香, 加入黃甜椒粒半隻, 紅甜椒粒半隻, 番茄粒4個煮至汁稠.
黑松露醬薯蓉 : 3隻薯仔烚熟, 去皮加入少許橄欖油, 黑橄欖碎, 牛奶, 鹽, ,壓至蓉.
螺絲粉: 滾水後加螺絲粉和少許鹽烚焾.
好味有營!
回覆刪除[版主回覆05/01/2011 23:11:00]hehe....懶人食飯一碟過.
你個糧倉真係正.
回覆刪除[版主回覆05/02/2011 19:29:00]係架, 所以搶鹽搶乜搶物我都懶理.
咖喱好送飯
回覆刪除[版主回覆05/02/2011 19:30:00]都係送飯好味d!
聽落簡單，諗真又好似幾多工序；都唔識形容！
回覆刪除[版主回覆05/02/2011 20:54:00]其實好簡單咋, 無咩技巧.