快餐小吃

屋企廚房唔多唔少都會擺定啲便利食物,
餓起上嚟, 唔使點煮都有得食.........
 

在曼谷機場買的芒果糯米飯, 大概HK25一盒,
盒內有一包米, 和一包椰漿調味料.
 

 先將米放入碗內, 依照說明加入60ml水,
 

放入微波爐叮4分鐘,
叮完之後好似樣喎,
 

放入椰漿調味料拌勻, 估唔到調味料有芒果,
不過拌勻之後, 好多水份,
 

 雖然味道好似, 但係糯米飯好似糊仔咁, 新鮮芒果係自己加架.
 

叻沙米粉買相麻麻, 好好味呀,
 

好友比左一盒叻沙醬我, 佢話呢個牌子係最好味,
 

朋友話最好用新加坡米粉,不過佢講嘅牌子喺大小超市都搵唔到,  祖國米粉煮兩煮好易碎晒, 台灣的又煮極都唔斷, 泰國米粉都唔錯.
 

有日行citysuper見到有個日本人買左好多盒呢款蟹肉泡飯, 唔通好好食嘅, 我又買番兩盒試下先, 3分鐘有得食喎, 真係好方便.
 

盒內有一碗飯, 只要將另一包汁料倒入碗內, 叮3分鐘就得喇.
 

幾好味架, 蟹內份量算適中, 有蟹肉味道, 不過一碗泡飯大概240g, 食完係唔飽嘅呢, 34蚊都幾貴囉.
 

屋企一定有'地門栗米'睇門口, 因為有咩頭暈身熱唔精神, 就會煮栗米肉粒飯, 唔一定要豬肉, 午餐肉, 火腿, 义燒都得, 簡單易整, 而且好味道, 又易入口.
唉!臨近新年先嚟病, 燒左幾日lu, 年花都未買, 過年用品又未買齊, 呀女叫我唔好成日拎住個ipad, 多d休息, 瞓到頭都痛呢, 希望新年之前好番晒喇, 我要龍馬精神, 精神爽利, 身體健康!

Continue Reading...

是日晚餐 ~ 白豆咖哩炆羊肩, 蝦乾煮旺菜.

就快過年, 好多嘢執, 要煮d簡簡單單, 最好煮埋一大煲, 可以食多一餐.....

 

洋蔥煮茸晒, 加左白豆幾得意, 唔係好辣, 好以撈飯食.

 

煮蝦乾我鍾意先煎到蝦乾乾晒身脆脆地, 盛起, 煮好其他材料再把蝦乾回鑊, 香味好多.

特登早一日炆好羊肩, 放入雪櫃, 等d脂肪凝固在表面.

 

 哈哈 ~ d脂肪比我'畢'走晒..

 

整走左好多膽固醇喇! husband話無晒肥油會唔會唔好食....,無法喇, 唔想做'三高'人士.

 

Continue Reading...

2014元旦曼谷4日自悠行之美食.

好多朋友到泰國目的都是做下spa, 按下摩...

呢兩樣都唔啱我..

我都係喜歡行下市場和超市, 當然唔少得搵食~

 

在Central World商場內的Crepe Co.小檔, 賣的芒果pancake配椰子雪糕, pancake是即叫即做, 配上新鮮芒果, 美味得食完想再食. 因為是即做,而且很多人幫襯, 外賣的人也不少,  想食都要等15至20分鐘.

 

 

在商場內一間叫"泰有創意"吃第一個午餐, 點的都是春卷,魚餅, 炒河, 4個人埋單約baht2000.

 

 

"海鮮市場大酒樓" (Seafood Market and Restaurant Co. Ltd.) 

 

 酒樓內好有氣氛, 四處掛滿汽球, 地方很闊大.

 

首先推架超市購物車, 揀選你想吃的食材, 海鮮等.

 

然後到收銀處比錢, 再推回戰利品到你的座位, 通知店員煮什麼和煮法, 加工費另計.

 

 上湯浸菠菜.

 

 焗白雪雪蒜茸包, 好多油, 不熱的, 唔好食. 

 

咖哩蟹辣味適中, 睇就知好味. 

 

好嫩的清炒菜苗, 唔記得係咪芥菜苗.

 

 豉椒炒青口, 新鮮香濃的九層塔香草味道是這道菜最美味之處.

 

香煎大蝦, 吃半隻已經好飽.

 

清蒸魚, 忘記是什麼魚, 不是貴價的.

這餐材料大約baht5000, 加工費baht1000.

 

 

在Zanotti IL Ristorante Italiano吃的午餐,

朋友說午餐抵吃好多baht410++, 有湯, 主菜和甜品.

想吃美味又便宜的午餐, 要早一些訂枱.

 

 洋蔥湯.

 

主菜點了燒鱸魚配橄欖蕃茄醬, 鱸魚被醬汁淹沒了.魚肉很滑, 份量都不少呀. 

 

 甜品竟然是朱古力泡芙, 真是喜出望外, 而且還有3個. 泡芙外脆內面填滿軟滑吉士忌廉, 加上香濃朱古力, 灑上烘香的杏仁片, 好想再食.

 

另外單叫了一個巴馬火腿芝士薄餅, 這個pizza要baht700呢, 芝士和火腿蓋滿了薄餅, 實在太滿足喇.

 

 

行得攰了, 在food court 飲椰青, 抖一抖. Baht60一個, 可惜唔甜.

 

 

在超市買了芒果糯米飯回酒店吃, 味道唔錯, 芒果新鮮香甜. 

 

 

這晚去了名叫Asiatique the Riverfront行夜市, 市內有很多食肆, 全都擠滿人, 除了咖啡店和雪糕店, 全部要等位.

我們揀了一間地道食泰越的.

 

 冬陰公湯, 我怕辣無食.

 

 好熱氣的炸春卷.

 

無火氣凍冰冰炸雞翼, 睇已經知唔好食.

 

 在泰國食泰式炒河, 通常都唔會失望.

 

 

第三日在文華東方的Lord Jim's食自助午餐, 好友一早訂了位.

自助午餐約baht1760++一位. 食物種類唔多, 但每一樣都很講究.

 

 

用小碟盛著的蒸銀雪魚用蒸籠即場蒸,這碟剛出籠, 好肥美.

 

青檸馬卡龍最美味, 唔太甜, 味道清新.

 

法式香橙酒煮pancake, 酒煮車厘都好正~

 

食過最好的芒果糯米飯, 米飯粒粒鮮明, 煙煙韌韌, 雖然已經好飽都吃了兩份, 太好喇~

 

 

 

因為早一日已經在街上聽到有汽車在廣播, 雖然唔知佢講乜, 大概估佢在召集遊行人士.

所以第四日回港時提早四個鐘出機場, 午餐就在機場的Mango Tree吃.

 這碟泰式炒河, 份量好少呀, 一個人都唔夠食.

 

無乜料的冬陰公湯. 

 

豬頸肉還可以.

 

 綠咖哩雞唔錯.

 

 炸.....唔記得添.

 

買相很差的芒果糯米飯, 睇就知唔好食囉.

 

 

Continue Reading...