快餐小吃

屋企廚房唔多唔少都會擺定啲便利食物,
餓起上嚟, 唔使點煮都有得食.........
 

在曼谷機場買的芒果糯米飯, 大概HK25一盒,
盒內有一包米, 和一包椰漿調味料.
 

 先將米放入碗內, 依照說明加入60ml水,
 

放入微波爐叮4分鐘,
叮完之後好似樣喎,
 

放入椰漿調味料拌勻, 估唔到調味料有芒果,
不過拌勻之後, 好多水份,
 

 雖然味道好似, 但係糯米飯好似糊仔咁, 新鮮芒果係自己加架.
 

叻沙米粉買相麻麻, 好好味呀,
 

好友比左一盒叻沙醬我, 佢話呢個牌子係最好味,
 

朋友話最好用新加坡米粉,不過佢講嘅牌子喺大小超市都搵唔到,  祖國米粉煮兩煮好易碎晒, 台灣的又煮極都唔斷, 泰國米粉都唔錯.
 

有日行citysuper見到有個日本人買左好多盒呢款蟹肉泡飯, 唔通好好食嘅, 我又買番兩盒試下先, 3分鐘有得食喎, 真係好方便.
 

盒內有一碗飯, 只要將另一包汁料倒入碗內, 叮3分鐘就得喇.
 

幾好味架, 蟹內份量算適中, 有蟹肉味道, 不過一碗泡飯大概240g, 食完係唔飽嘅呢, 34蚊都幾貴囉.
 

屋企一定有'地門栗米'睇門口, 因為有咩頭暈身熱唔精神, 就會煮栗米肉粒飯, 唔一定要豬肉, 午餐肉, 火腿, 义燒都得, 簡單易整, 而且好味道, 又易入口.
唉!臨近新年先嚟病, 燒左幾日lu, 年花都未買, 過年用品又未買齊, 呀女叫我唔好成日拎住個ipad, 多d休息, 瞓到頭都痛呢, 希望新年之前好番晒喇, 我要龍馬精神, 精神爽利, 身體健康!