萬邦行喜相逢

星期日和好友往南丫島行了一轉, 由索罟灣行去榕樹灣.天氣不太熱, 少少陽光, 不用兩個鐘已經好快行完.

途中必定會食婆仔檔的豆腐花, 今次好失望呢, 真係好滑, 不過完全沒有豆味, 而且已經加價至十元一碗, 食完好想自己整.

南丫島的船唔知係邊間船公司呢? 服務麻麻, 沒有下一班船入閘口通知, 碼頭有兩邊閘, 每遇有船泊碼頭的一邊, 等船的人就湧向那一邊, 如是者, 我地兩邊走了3次.

原來好友早有安排, 訂了枱在中環萬邦行的喜相逢吃晚飯. 記憶中萬邦行大廈已經有好耐歷史, 飯店設計好有在外國唐人街的中菜館感覺.牙籤和紙巾放在一個古典小盒子內, 好特別. 哎呀!忘記影相.

忘記菜名, 類似什麼黃金蝦, 但是沒有蛋黃的, 蝦新鮮美味.

小吃金錢雞, 好迷你呢, 一層雞肝, 中間層肥肉, 最底層馬蹄,食落唔會肥膩感覺.

小吃: 好有燻煙味的素卷.

最正的瓦罉豉油雞半隻, 熱辣辣, 雞肉很滑, 由其那個豉油汁, 實在太美味.

冰梅排骨, 肉質鬆軟, 微酸的梅子味道令人開胃.

翠嫩的上湯浸黃帝菜.

蛋散是即做的好香脆.

只是這個生磨杏仁蛋白茶, 沒有香濃杏仁味, 有些美中不足呢.
不知是否飯店在中環原故, 星期日晚飯時間, 連我們在內只見兩枱客.
這餐四人平均每人大約280元, 都算貴勝在食物質數唔錯.

 

Continue Reading...

製麵機

有日到朋友家, 見到這部機, 真是愛C它, 可惜屋企已經無地方收容它.
朋友在網上掏回來, 大約五百多元,當然是祖國貨. 在日式百貨公司見到名牌子的製麵機要三千多, 好貴呀, 又唔知會唔會3分鐘熱度, 一定唔會買囉.

這部祖國製造.

只要將麵粉和水油等, 或者其他材料放入機內.

揀你要麵條的模蓋, 有粗幼, 闊條, 又可做雲吞皮.

按個制, 就會出麵.

可以即刻拎去煮喇.

Continue Reading...

日式芝士餅

好友聚會我要負責甜品, 已經好耐沒整喇, 整個簡簡單單日式芝士餅赴會, 希望好友喜歡.

材料 :

芝士 150g
鮮忌廉 100g
糖  80g
粟粉  20g
抹茶粉  8g
麵粉      20g
蛋黃      4個
蛋白      4個

(先預備)

盆掃油, 圍邊用牛油紙.

預熱焗爐160度. 

先將芝士加 鮮忌廉座熱水煮溶, 水不要滾.

  離火倒入蛋黃4隻攪勻.

拌好離熱水加粉類.

麵粉, 粟粉和抹茶粉篩好, 放入蛋漿內拌勻.
攪勻至無粒粒, 備用.

將蛋白4隻打至起泡,
加入糖打至企身.

先將1/3 蛋白放入芝士漿內攪勻, 必須攪勻,
將芝士漿倒入餘下蛋白內, 用蛋拂拌勻.
把芝士漿倒入模內.
座熱水焗, 160度 45分鐘.
因為座水焗, 如果用甩底蛋糕模, 一定要用鍚紙包好模的底部, 以防入水.

沒有裝飾.....

Continue Reading...

2014花展

三月十日去了花展, 時間比往年早去, 花海鬱金香都是含苞待放, 特別漂亮.
往年睇花展都是陽光普照, 睇得身水身汗, 行兩轉就走人, 轉移附近的大型百貨店嘆冷氣行公司.
這天雖然是天色陰暗, 但人山人海, 原來長者可以免費入場, 又是行兩轉就轉移附近的百貨公司嘆下午茶.

 

 

可惜沒有真花睇.

園內有一棵櫻花樹, 花兒疏落, 但已引得很多人為她拍照.

Continue Reading...