星期日和好友往南丫島行了一轉, 由索罟灣行去榕樹灣.天氣不太熱, 少少陽光, 不用兩個鐘已經好快行完.
途中必定會食婆仔檔的豆腐花, 今次好失望呢, 真係好滑, 不過完全沒有豆味, 而且已經加價至十元一碗, 食完好想自己整.
南丫島的船唔知係邊間船公司呢? 服務麻麻, 沒有下一班船入閘口通知, 碼頭有兩邊閘, 每遇有船泊碼頭的一邊, 等船的人就湧向那一邊, 如是者, 我地兩邊走了3次.
原來好友早有安排, 訂了枱在中環萬邦行的喜相逢吃晚飯. 記憶中萬邦行大廈已經有好耐歷史, 飯店設計好有在外國唐人街的中菜館感覺.牙籤和紙巾放在一個古典小盒子內, 好特別. 哎呀!忘記影相.
忘記菜名, 類似什麼黃金蝦, 但是沒有蛋黃的, 蝦新鮮美味.
小吃金錢雞, 好迷你呢, 一層雞肝, 中間層肥肉, 最底層馬蹄,食落唔會肥膩感覺.
小吃: 好有燻煙味的素卷.
最正的瓦罉豉油雞半隻, 熱辣辣, 雞肉很滑, 由其那個豉油汁, 實在太美味.
冰梅排骨, 肉質鬆軟, 微酸的梅子味道令人開胃.
翠嫩的上湯浸黃帝菜.
蛋散是即做的好香脆.
只是這個生磨杏仁蛋白茶, 沒有香濃杏仁味, 有些美中不足呢.
不知是否飯店在中環原故, 星期日晚飯時間, 連我們在內只見兩枱客.
這餐四人平均每人大約280元, 都算貴勝在食物質數唔錯.
咁真係好靜,好味同環境值回票價。
回覆刪除初初以為咁少客,可能唔好食,原來又唔錯。
刪除往南丫島行了一轉\( ◕ε ◕ )/享受陽光藍天很寫意無憂哦
回覆刪除趁天氣唔太熱行下山,舒服d。
刪除蛋散是即做的好香脆...見到我都想吃\(。◕ヮ^)/
回覆刪除有椰絲砂糖灑面好吃呀。
刪除其實在香港有很多地。
回覆刪除有好多地方未去過!有好多地方有美味食物! :)
刪除南丫島都十幾年無去過
回覆刪除得閒去行吓幾好架。
刪除我好少去中環食飯,
回覆刪除由其喺酒樓,
哩間睇嚟唔錯,
我like蛋白杏仁茶
豉油雞,
萬邦行重建後,經過幾次
中環好少去,專程去食餐飯就更少。
刪除豉油雞好正呀。
好充實的一天呀....
回覆刪除運動一下咁囉,不過又食番一大餐,keep唔到fit。
刪除南丫島我從未去過呢.
回覆刪除有機會去行下,不過熱天就唔好去,好熱架。,
刪除好耐無入南丫島。
回覆刪除趁天氣仲涼涼地可以去南丫島行下。
刪除