焗葡汁豬扒

我覺得最易浪費係樽裝香草, 好多時用到半樽已經到期, 不過我未必會即刻掉, 會試吓味, 如果未變味都會用多一兩次.

今次輪到樽黃薑粉 ~

材料:豬扒4塊(鼓油糖粉略醃), 薯仔兩大隻(切件烚熟薯仔備用), 洋蔥一隻(切塊), 甘筍一條(切件), 黃薑粉一湯匙, 椰漿一盒200ml, 水約半杯, 乾蔥(切碎), 蒜茸適量.

1.煎熟豬扒盛起.

2.爆乾蔥蒜茸.

3.落黃薑粉爆香.

4.落洋蔥甘筍炒片刻.

5.落薯仔.

6. 落豬扒, 椰漿, 再加水, 煮至汁稠.

7.盛起落焗盆, 刨些parmesan 芝士, 放入焗爐烤約15分鐘至表面金黃.

8. 食得.

Continue Reading...

番禺長隆兩日遊之百萬葵園

雖然十點半先check out, 都係早早一齊食早餐, 可以坐耐d, 傾吓計..

好耐無食豆漿花卷做早餐, 喺祖國食特別有風味.

食早餐嘅地方可以睇到白老虎.

酒店園林景.

由房間露台望出.

入場有野送, 男送香囊, 女送雪糕 (總係覺得佢掉轉左咁), 杯雪糕好 'so', 食唔晒.

見到有個人行行吓跳左落水, 其他人都睇到好開心, 包括我

d人懶理危險, 最緊要影張靚相.

唔知點解咁靚嘅花攪成咁, 好似比人踩完咁.

好懷念北海道.

櫻花園, 初初以為係桃花樹.

都唔為d花諗吓, 真係唔得佢C.

花好靚呀, 等我得閒去花墟搵吓有無先!

呢隻就係頂頂大名嘅葵花雞嘞, 想帶隻返香港, 要放低 $280人仔啊!

究竟葵花寶典係咩嚟呢?

食完飯原本係去深圳博物館, 不過我地無去, 提前離隊自己搵節目.

Continue Reading...

番禺長隆兩日遊之夜間馬戲團.

睇完動物上番旅遊巴去飯店, 導遊話要5點幾食飯, 咁樣可以早d入場, 睇馬戲可以坐到d好嘅位置, 原本15分鐘車程, 不過司機又行錯路,又要打電話問人先識路, 浪費晒 d時間.

  

旅遊單張標榜呢餐係[碗仔雞煲翅宴], 第二日朋友問導遊雞煲翅係邊, 佢話左邊嗰窩就係喎, 笑C我地, 因為食嗰陣朋友話窩湯有翅, 我地無一個人信佢講.

蝦嘅味道煮得唔錯架, 不過d蝦肉實左d,  蒸蛋好滑.

 

滿晒座咁滯, 有好多內地人睇架. 唉! 坐我格離同後面兩個同胞係咁咳又唔掩口, 我唯有用條頸巾做住口罩.

 

 

 

小熊仔好叻呀! 不過熊仔背後一定有好多辛酸史, 希望熊仔識聽我地嘅掌聲喇.

 

 

 

呢節最精彩, 每個圈入面都有人, 佢地不停地喺圈內外跑動, 又跳繩, 最後仲朦住眼跑呢.

愈轉愈快 ~

 

睇完馬戲返酒店囉, 個導遊認真麻麻, 喺集合地點齊晒人, 一聲跟住佢行就行咯, 散場咁多人, 十九個跟一個點跟吖, 又要出閘, 唔係只係你嗰團人出閘架嘛, 就咁行吓行吓就得番四個跟到佢囉, 佢又唔拎住支武林聖火令, 又無講低跟佢去邊, 好在我地其餘十五個團友集合到一齊, 其中有兩個係長者添呀, 有團友打電話比導遊, 講低我地嘅位置, 不過佢都唔識搵, 等左好耐再打電話比佢, 佢先搵到我地. 我地以為導遊會帶我地上番旅遊巴, 因為我地d行李都喺旅遊巴, 原來佢係帶我地行番酒店.

長隆酒店好大, 我地住新翼.

 

 

 

我地嗰層房嘅團友都開唔到房門呀, 要call 佢地d職員嚟用百合磁咭先開到, 再幫我地換過張新咭, 酒店送番個果籃比我地, 仲有兩隻公仔添.

 

導遊話因為我地早食飯, 夜晚會肚餓, 酒店嘅餐飲好貴, 如有需要可以幫我地訂泥煨雞, 我地同朋友訂左兩隻, 真係無介紹錯, 好好味.

Continue Reading...

番禺長隆兩日遊之長隆野生動物園.

兩日行程雖然去嘅景點唔多, 只係去野生動物園, 睇馬戲同埋遊覽百萬葵園, 都覺得好精彩呀!

仲有就係歷嚟食左最多次雞嘅行程, 我地一行九個人, 兩日一共食咗六隻半雞, 泥煨雞, 葵花雞, 白切雞, 炸子雞...我覺得個喉嚨仲有陣雞味呀...

 

一到步就開餐啦, 最好味第一餐,一d都唔似食團餐, 見到有好多本地人揸車嚟食.

 

 

 

係咪貴咗d呢, 依家喺祖國消費一d都唔便宜.

 

唉!呢個司機又唔熟路有幾次行錯路要導遊打電話比人問路, 仲開到鬼咁快, 駕駛態度又唔好, 幾次叫佢唔好開咁快都唔聽, 個領隊坐坐吓都坐後一行, 慶幸安全回家

 

 

 

 

 

 

 

就係坐呢d車遊野生公園, 不過開得都幾快, 真係走馬看花.

 

 

梅花鹿....我見到佢地好似生"姿"咁, d毛一忽忽好肉酸, 原來等換毛之後, 就會見到點點梅花點, 果時就會靚靚嘞.

 

 

 

 

 

 

 

 

 

 

 

 

 

 

 

估吓佢地做乜?

 

咪係想dum返晒喺樹上嘅熊貓落地囉, 隻隻熊貓都唔肯落, 呢隻死抓住棵樹唔落, 好攪笑!

Continue Reading...