榮升師母

Husband的學生來家中探訪我們,
他們稱呼我做師母,當了長輩,真唔習慣呢.
特別為他們煮了晚飯,希望他們鐘意喇. 

西班牙海鮮飯
1)250克西班牙米, 270克雞湯和水(各半), 2個蕃茄切碎, 少許西藏紅花, 以上材料混和浸約一小時.
2)用平底鑊炒香蒜頭碎, 半個洋蔥碎和半個紅甜椒碎, 加入已浸的西班牙米材料連水,
3)煮至滾起收慢火 (起初要攪拌, 滾起不要攪),
加少許鹽和黑椒碎調味, 煮約15分鐘.
4)將海鮮用鹽和黑椒碎調味, 用油爆香蒜片, 贊些白酒, 大火煎熟各樣海鮮(我用了蝦, 帶子和青口).
5)把煎熟的海鮮連汁放在西班牙飯面, 焗約5分鐘, 食前灑上檸檬汁.

蒜茸焗美國小野雞.

焗羊架

蔬果沙律
只用了羅馬生菜, 士多啤梨, 牛油果, 青瓜和車厘茄, 好清新.

士多啤梨沙律汁

8個士多啤梨切碎, 4湯匙楓樹糖漿, 2湯匙陳醋, 4-5湯匙橄欖油同放入blender內打均.

 





Continue Reading...

我的 S100 完了

星期日開開心心帶它到澳門美食一日遊, 影得一半, 就一直這樣子了.

用了未夠兩年就完了, 要千二元換個鏡頭, 這個價錢當然唔換囉, 浪費了一百元檢查費.
未試過用相機用到壞, 只會用到舊, 自從用了智能電話也少了用相機影相.
這部機初用時也有鏡頭收不回情況, 但等一下都會自動收回, 這次要提早退休LU.
原來這型號的相機有個批次是有這情況, Canon會提供免費維修, 但我部機的批號不在內, 而且維修零件也不同, 要自費維修呢.
算是借個機會換新相機喇, Sony是我的選擇呢.

Continue Reading...

是日晚餐～瓦罉豉油雞

囡囡近日多數要加班，煮個她喜歡的豉油雞，雞脾沒有斬開，原隻留比佢。

1。雞洗淨索去水份,用半茶匙鹽和兩湯匙玫瑰露酒擦勻雞身內外。

2。半碗老抽，半碗水，一湯匙生抽，大約50克冰糖，薑片和肉蔥落鑊煮滾後放入雞，加蓋用慢火煮約30分鐘。

3。途中反轉雞一次和淋豉油汁數次，約30分鐘後雞熟, 豉油汁亦開始杰。

4。盛起豉油雞待涼，斬件放在瓦罉中，再放回豉油汁於煲內煮滾就開得飯喇。

我下次試下放片甘草或者陳皮，唔知會唔會好味d。

不過咁樣煮已經好好味,又簡單又易做，雞又滑。

Continue Reading...

赤柱遊蕩

週五天氣晴朗，逛了去赤柱.
其實赤柱無咩好行, 手信店唔關我事, 賣出口衣服的店舖又唔吸引, 但係久唔久總會去逛下, 行下海邊食下嘢, 打發一個下午.

一個朱古力香蕉waffle要四十塊錢, 都幾貴.

焦糖蘋果waffle又係四十.
兩個waffle加埋飲品, 可以去茶樓嘆個下午茶囉.

赤柱海灘岸邊的屋, 好有特色.

 好少人在這邊沙灘游水, 大多數在正灘那邊.



可能係大多垃圾雜物

近排見到好多朋友講食泥, 在餅店見到一盆盆小盆栽, 買了兩個試, 原來是tiramisu, 表面的泥是oreo餅碎, 下層有軟芝士忌廉和酒浸手指餅, 最底一層有朱古力蛋糕, 幾得意吖.

Continue Reading...

烹飪課堂 ~ 白酒燴雞

很久沒有去學烹飪, 見到白酒燴雞好有興趣試下.
囡囡話使咩學, 咪好似紅酒燴牛羊咁; 紅酒轉白酒, 牛羊轉雞囉.....
除左白酒燴雞, 仲有焗香草芝士薯茸, 焦糖燉蛋, 法式蒜茸湯.
燴雞和焗薯茸係實習, 焦糖燉蛋, 蒜茸湯係示範菜色.  

 

Miss煮的..白酒燴雞.

  又係Miss煮.. 焗香草芝士薯茸

法式蒜茸湯, 唔啱我口味, 現成雞湯的味道和蛋黃的腥味, 接受唔到.

焦糖燉蛋幾好食, 得閒可以整下.

我實習的焗薯茸, 佢好似梳乎厘, 焗起時好鬆又升得高, 焗好就要食, 耐左會跌番又實左. 呢個好味道呀, 一定會再煮.


好耐無上堂, 在堂上煮有壓力呢, 好怕跟唔上步驟.
大會提供的雞是冰鮮雞, 超級肥嘟嘟, 煎完要倒油.

煮好的雞和薯茸可以帶返屋企, 今晚唔使煮飯囉.

Continue Reading...