濕地公園

濕地公園開左咁耐都未去過, 出發前打電話比老友攞料, 因為要做哎呀導遊, 唔想有咩差池. 多謝老友的溫馨提示, 我買左半年年票啦.

風景真係唔錯, 有少少唔似處身香港咁..........又發夢嘞

可能係weekday, 四圍都靜英英....

係度逛左4個鐘, 路牌指示下面果三個地區都無去呢, 要留番天氣涼d先再去喇.....

比佢針到就大劑喇......

遠望過去係咪深圳呢?

佢地係度爭緊地盆, 最後細果隻勝利, haha...突然諗起日本小食炸蟹仔.

遊遊吓個天黑晒......

唯有去左大家樂避雨, 歎下午茶三寶......鹵水雞翼, 芝士火腿治, 春卷各一件, 連coffee or tea 都係$16?18蚊?

呢排都幾忙, 我平時都好少去街去得咁密, 朋友星期六返西雅圖lu, 之後可以抖抖, 跟住要執拾行裝喇....

                  ~~~~~~~~~~~~~~~~~~~~~~~~~~~

補充番果日攪笑野... 我地去到[人類文化館](咁上下名稱喇), 見到有咩咩飛船嘅機動遊戲, 佢地個個都話要玩, 不過我自從玩過廸廸尼嘅space mountain之後, 以後都唔會再玩呢類機動遊戲, 經佢地強烈推動, 又聽到個職員鬼咁開心同佢個同事講 '有生意啦', 唯有都一齊玩啦.  未開始之前, 會坐一埋一排, 個職員講解一番, 又話有血壓高, 心臟病, 有bb, 腰骨有問題都唔適宜坐, d個人手提袋又要擺開, 嚇得我起身走人唔玩啦, 不過又比人抆住,要我玩埋一份, 個職員話如果見唔舒服, 即刻解開安全帶, 隻船就會停架喎.  終於坐果隻飛船喇, 我第一時間梗係扶到實............車!..........都唔行嘅, 只係喺原地搖吓搖吓, 無啦啦驚一餐.

Continue Reading...

夜游尖沙咀

好多好多年無坐天星小輪嘅船過中環喇, 今次都未有機會帶回港嘅朋友坐番一轉呢!

前舊水警總部, 而家係旅遊景點..

呢晚好多新人喺度影結婚相

雖然肥肥地, 姿勢都好靚呀!

十兄弟 ~

叫呀囡行埋去幫佢同d風球訊號影張相, 點知佢企左一陣走都走唔切, 原來有隻大大強, 好在係我叫佢影先啫, 如果係我...舂落山都有份.

呢支槍有專利權.

Continue Reading...

去餵蚊

今日約左朋友先去雲泉仙館食齋, 再去鳳園影蝴蝶; 記得年頭時去過雲泉仙館食齋同影相, 但係今次再去真係一d印象都無, 好似未去過咁....



荷花謝晒lu, 得番d荷葉.

呢個亭好熟口熟面, 我諗好多古裝劇都喺度拍.

真係無印象嚟過......

d蝴蝶好似食左興奮劑咁, 無停嘅, 好難影呀!

d蚊仲鬼死咁惡, 噴晒蛟怕水都照咬, 支針又鈍, 錐落嚟痛架, 仲專係咬右手. 哼!下次帶支DDT.

Continue Reading...

All You Can Eat Buffet @ Disney Hollywood Hotel

移民外地多年的朋友又返港探親, 我當然會帶佢地四處遊啦, 呢日同左佢地去廸士尼搵食.....

指定動作.........影番幾張相留念!

開餐囉...........哈哈! 我第一個入場, 可以影到整整齊齊嘅食物, 不過仲有d熱盆因為蓋住左無影相, 仲有係去左咁多次都無留意到部軟雪糕機係邊...

好多可愛嘅米奇造型.

最受歡迎嘅阿拉斯加凍蟹腳..

用明火燒爐即焗的pizza.

各式各樣的咖哩..

自選材料即煮意粉.

好cute嘅奶皇包....仲有其他中式點心.

朱古力噴泉.... 唔知點解去過咁多次, 我始終無食過.

我最鍾意嘅麵包布甸.

由6點食到10點, 好飽啊!  我地都係坐左2個半鐘就走囉, 驚坐坐吓又唔忍得嘴, 食到超晒標就唔好啦. 個buffet好抵呢, 而家做緊推廣$218/位, 我續年票時送左一張6折coupon, 不過用coupon就要用原價$318計, 都係$190/位, 係咪好抵呢!  我聽到d satff研究緊係萬勝節時點樣擺放萬勝節嘅食物, 我未食過萬勝節餐, 或者會去試吓呢

Continue Reading...