良朋共聚

老友好介紹, 帶我同husband去北角街市嘅東寶小廚食晚飯, 呀囡下午仲打電話比我, 問我佢又去得唔得, 心諗世界變囉, 因為我都驚悶親佢嘛, 難得個女主動話同我地d朋友一齊食飯, 當然開心喇.  其實都唔會悶嘅, 我地班世界遊團友, 講嘅話題都啱佢架.

 

講番呢間舖頭, 如果唔訂位都未必有得食, 睇佢張餐牌幾有性格! 個老細仲話唔好幫佢宣傳, 佢地做唔切喎.  雖然人多幫襯, 但係佢都唔會趕客, 我地食完飯想埋單, 個老細(我估佢係囉)叫我地唔好走住, 因為突然間落好大雨, 叫我地坐吓先. 咁嘅服務超讚!

 

 

用碗盛啤酒飲, 飲得好豪爽呢....

 

日本柚子沙律汁荷蘭蕃茄

 

 

椒塩腰果雞腎, 生炒排骨, 椒塩鮮魷, 琵琶豆腐

 

籠仔清酒蒸大蜆, 美國蠔煎蛋, 薑葱蒸勝瓜,  豉椒炒蟶子

 

豉油皇炒麵

 

送嘅甜品....薑汁涼粉

 

太美味喇, 材料新鮮, 夠鑊氣, 最緊要食完無口乾, 難怪咁多人幫襯.

kekeke, 我無帶相機, 多謝好友用手機拍下留念.