老友好介紹, 帶我同husband去北角街市嘅東寶小廚食晚飯, 呀囡下午仲打電話比我, 問我佢又去得唔得, 心諗世界變囉, 因為我都驚悶親佢嘛, 難得個女主動話同我地d朋友一齊食飯, 當然開心喇. 其實都唔會悶嘅, 我地班世界遊團友, 講嘅話題都啱佢架.
講番呢間舖頭, 如果唔訂位都未必有得食, 睇佢張餐牌幾有性格! 個老細仲話唔好幫佢宣傳, 佢地做唔切喎. 雖然人多幫襯, 但係佢都唔會趕客, 我地食完飯想埋單, 個老細(我估佢係囉)叫我地唔好走住, 因為突然間落好大雨, 叫我地坐吓先. 咁嘅服務超讚!
用碗盛啤酒飲, 飲得好豪爽呢....
日本柚子沙律汁荷蘭蕃茄
椒塩腰果雞腎, 生炒排骨, 椒塩鮮魷, 琵琶豆腐
籠仔清酒蒸大蜆, 美國蠔煎蛋, 薑葱蒸勝瓜, 豉椒炒蟶子
豉油皇炒麵
送嘅甜品....薑汁涼粉
太美味喇, 材料新鮮, 夠鑊氣, 最緊要食完無口乾, 難怪咁多人幫襯.
kekeke, 我無帶相機, 多謝好友用手機拍下留念.
張餐牌好笑.唔會冇辦法架,請個人咪得囉.
回覆刪除[版主回覆09/09/2010 13:11:00]請多個人, 我地又要貴d囉.
好豐富, 薑汁涼粉第一次見. 可以自己試下整, 好味嗎?
回覆刪除[F回覆01/01/1970 08:00:00]F
東寶原來有甜品贈送,我去年最後去果次都沒,因為果時多數是即興去東寶,所以次次都要等很久,後來我有外國朋友來港,我都寧願去沙田的大排檔.
回覆刪除你們一班團友次次都0甘開心,亞囡點會怕跟你們會悶呀!
[F回覆01/01/1970 08:00:00]F