朋友比左一大袋 '黑芝麻蜜芽鬆餅粉' 我
咁大包點算好呢? 要打husband嘅同事主意啦
只要加蛋, 加水, 加油就焗得啦
焗好食左兩啖就唔想食lu, d甜味好人工化
得個甜字, 咩味都無
始終對預拌粉無好感
仲有一大袋點算好呢?
2009年11月25日 星期三
君度柚子蛋糕
和朋友有約會, 雖然喺tgc上完堂返到屋企已經成10點, 但仍然好想整個喺L'Atelier du Goût新學嘅蛋糕比朋友們試下, 即刻量好晒材料開工lu, 第一次整柚子蛋糕要好專心呀, 所以無影相, 整嘅時候都唔係唔滿意, 因為d麵糊唔係咁似樣咁, 重未掌握到拌麵糊的技巧, 不過焗嘅時候好香柚子味呀...........係日本愛媛縣柚子嘛
個柚子蛋糕整好後要隔兩日食會更加好味, 但唔夠時間, 食左先算囉.........
個份量可以整2個蛋糕, 一個我帶去聚會, 心想5個人食唔晒, 建議佢地帶回家, 但係佢地食過之後就話點會食剩架....於是好快就消滅左個cake啦...
另一個比husband帶番工, 佢d同事個個都話好食, 有一個肥妹仔話佢自己食得最多, 因為無乜牛油
佢地個個都覺得呢個cake會令你食完又想再食
唔該晒老友山長水遠幫我買柚子皮同柚子汁呀.
燒烤樂示範課堂@ TGC[23-11-2009]
臨近聖誕好多烹飪的課堂都好合用, 一連報左4個, 今次學嘅係燒烤菜色, 烤羊扒, 炸豬肋骨, 炸魚係咪好吸引呢, 以前bbq最鍾意食燒雞翼, 而家唔啦, 怕左d雞皮囉, 食雞翼都起皮好煩架, 烤羊同魚都係我至愛....
呢堂真係好吸引, 好多人呀!
用黑松露醃過嘅羊扒的肉質相當腍滑, 大會用的當然唔係來路嘅松露啦, 而係祖國雲南的, 一定要烹調過才吃, 我試過買回來用橄欖油低溫煮吓d祖國松露, 放在煮好的意粉食味一流呀.
烤羊扒伴松露薯仔沙律
烤豬肋骨好過烤金沙骨啊!
烤豬肋骨伴酸辣菠蘿, 個酸辣菠蘿材料簡單, 但係好正呀, bbq食左咁多肉, 食番d菠蘿啱晒口胃.
一條彩衣要成一百六拾蚊, 大會好豪喎...
香草燒魚伴茴香粟米沙律
用香草醃嘅魚幾時都咁好味, 再用嚟烤, 口水都留埋呢!
以後bbq唔洗死板板囉....
Continue Reading...
呢堂真係好吸引, 好多人呀!
用黑松露醃過嘅羊扒的肉質相當腍滑, 大會用的當然唔係來路嘅松露啦, 而係祖國雲南的, 一定要烹調過才吃, 我試過買回來用橄欖油低溫煮吓d祖國松露, 放在煮好的意粉食味一流呀.
烤羊扒伴松露薯仔沙律
烤豬肋骨好過烤金沙骨啊!
烤豬肋骨伴酸辣菠蘿, 個酸辣菠蘿材料簡單, 但係好正呀, bbq食左咁多肉, 食番d菠蘿啱晒口胃.
一條彩衣要成一百六拾蚊, 大會好豪喎...
香草燒魚伴茴香粟米沙律
用香草醃嘅魚幾時都咁好味, 再用嚟烤, 口水都留埋呢!
以後bbq唔洗死板板囉....
茶香骨
燒熱鍋下油, 爆香薑片, 乾蔥片, 蔥, 蒜茸
加入壹字排骨(約一斤)兜勻後贊下紹酒一湯匙
加入碧螺春茶約300毫升及調味料...(生抽, 老抽各約一湯匙, 雞粉半茶匙, 麻油半茶匙, 冰糖兩小舊)
煮滾後慢火炆約一小時, 待排骨腍身後盛起, 原汁調好味道後勾薄獻淋在排骨上. 如果炆完收好汁的話就唔洗打獻啦.
炆好嘅排骨我會留待第2日先食, 因為雪左一晚, d排骨嘅油份會凝固係面,可以撇左d油冇咁肥膩, d排骨又可以入味d....
唔洗次次都梅菜炆排骨, 薯仔炆排骨之類, 呢個新嘗試都唔錯, 用左少少汁撈飯, 食到d茶味, 好味呀!
想起以前無乜胃口就會用茶撈飯嚟食, 不過而家唔會啦, 壞胃嘛.
2009年11月22日 星期日
麵包工藝示範課程 by Gregoire Michaud[21-11-2009]
做麵包對我嚟講真係太艱巨啦, 雖然上個幾次堂, 仍然係摸不著頭腦, 跟住人地一齊整梗係無問題啦, 自己靜雞雞係屋企整就失敗收場, 唔係唔好食而係唔食得, 浪費左d材料好唔開心架..
不過,有麵包的課堂我都會上的, 定個目標比自己, 出年一定要自己焗到個麵包出嚟見人啊...
又可以去賞味坊上堂啦
四季酒店餅房主廚Grégoire Michaud, 好型呢! 仲好nice, 好詳細地講解學員的題問.
今次遲左d去, 要坐得較後的位置, 所以全程都要睇住個大銀幕, 不過都睇得好清楚呢...
有法包, 蒜味香草法包, 普羅旺斯法式香草包, 硬粗麥麵包.........
以上都係預早做好比我地品嚐的包包, 好野當然唔會獨食, 要take away 同 husband一同分享呀.
今次嘆左一杯美味的咖啡
下課時大會還贈送一樽櫻桃果醬給大家, 我仲未捨的開呀...
Continue Reading...
不過,有麵包的課堂我都會上的, 定個目標比自己, 出年一定要自己焗到個麵包出嚟見人啊...
又可以去賞味坊上堂啦
四季酒店餅房主廚Grégoire Michaud, 好型呢! 仲好nice, 好詳細地講解學員的題問.
今次遲左d去, 要坐得較後的位置, 所以全程都要睇住個大銀幕, 不過都睇得好清楚呢...
有法包, 蒜味香草法包, 普羅旺斯法式香草包, 硬粗麥麵包.........
以上都係預早做好比我地品嚐的包包, 好野當然唔會獨食, 要take away 同 husband一同分享呀.
今次嘆左一杯美味的咖啡
下課時大會還贈送一樽櫻桃果醬給大家, 我仲未捨的開呀...
2009年11月20日 星期五
DrinkaZine解渴誌碧螺春創意食譜工作坊
估唔到一支碧螺春茶可以烹調出咁多美味甜品小食, 真係好有創意呢!
一入課室就有一個welcome drink.........青梅碧螺春特飲, 不過我自己唔太喜歡梅子的味道, 剩飲仲好味呀.
第一次喺港燈嘅家政中心上堂, 感覺很新鮮...
有我喜愛的平面爐頭
碧螺春奶凍.....滑滑的好香茶味
茶香飄飄.......要加多多的糖漿食, 好味呀!
碧螺春香焗雞翼.......雞翼好滑呀, 不過不太食到茶味, 呀!等我試吓用d碧螺春茶炆排骨, 整番個茶香骨
茶香飯糰.......有陣陣茶香嘅飯糰 yummy!!!
茶香小丸子伴碧螺春甜湯........湯丸係用碧螺春茶搓成的, 那個甜湯也是用碧螺春茶煮成的, 好清香啊!
用碧螺春茶整嘅湯丸實在太美味啦, 要快快買材料整啊! 呢個天時食最啱, 潤得嚟又清甜.....
到我自己整lu, 搓湯丸........睇樣就知要再下些功夫啦
我整嘅雞翼就ok啦!
上完堂, 食飽飽, 一路返家途中, 不時還感覺到那碧螺春的茶香在嘴裡呢.
2009年11月17日 星期二
公益金百萬 @昂船洲大橋
係disneyland住左一晚, 食完早餐check out, 就急急腳趕去南昌站出發參加公益金百萬行, 對於我呢d少運動嘅嚟講, 要行6.5公里都有d擔心架....
呢日天氣麻麻, 四處都灰矇朦的, 睇唔到靚景呢!
先搭巴士到起點區.
估吓呢個係乜?
又估吓呢個係乜?
昂船洲前英軍基地辦公室,現為解放軍基地.
呢.......果度咪係我屋企囉.
好高呀, 只係伸個相機出去影咋.....
以為行完啦, 真係咪咁快開心住呀..
好似隻飛機嘅係測風儀.
避雷針.
數據傳送天線.
經濟好轉啦, d貨櫃船載得好滿呀..
又以為行埋條隧道就行完啦, 原來呢度唔可以入隧道, 仲要行多一個好大好大嘅圈呢, 告示牌寫仲有40分鐘行程喎, 不過已經好累啦..
可以入隧道啦.....
哈哈!見到個終點啦...
由1點半行到4點, 大功告成!
行完真係超累呢, 唔好話買餸煮飯, 出街食都唔想, 好簡單咁煮左個臘味煲仔飯, 太好啦!
訂閱：
文章 (Atom)