麵包工藝示範課程 by Gregoire Michaud[21-11-2009]

做麵包對我嚟講真係太艱巨啦, 雖然上個幾次堂, 仍然係摸不著頭腦, 跟住人地一齊整梗係無問題啦, 自己靜雞雞係屋企整就失敗收場, 唔係唔好食而係唔食得, 浪費左d材料好唔開心架..

不過,有麵包的課堂我都會上的, 定個目標比自己, 出年一定要自己焗到個麵包出嚟見人啊...

又可以去賞味坊上堂啦

四季酒店餅房主廚Grégoire Michaud, 好型呢! 仲好nice, 好詳細地講解學員的題問.

今次遲左d去, 要坐得較後的位置, 所以全程都要睇住個大銀幕, 不過都睇得好清楚呢...

有法包, 蒜味香草法包, 普羅旺斯法式香草包, 硬粗麥麵包.........

以上都係預早做好比我地品嚐的包包, 好野當然唔會獨食, 要take away 同 husband一同分享呀.

今次嘆左一杯美味的咖啡

下課時大會還贈送一樽櫻桃果醬給大家, 我仲未捨的開呀...