今次算最勤力嘞, 係L'Atelier du Goût 賞味坊跟Johnny Sir學左之後咁快就自己實習一吓, 因為好多材料屋企都有, 只係欠個蛋糕模, 噚日去南豐中心搵左兩間專營烘焙用品的店舖都搵唔啱心水, 於事走左去太古永安, 記得係果度有好多矽膠模, 可惜都係無我想要的, 係屋企一早已經量好晒材料, 一定要買到啊! 見到有non-stick又無接駁口的, 都ok吖, 易洗嘛....急急腳食完晚飯返屋企開工囉.....
呢個模唔錯, 好好用...
好唔好味? 食過嘅朋友話齋, 大師級教嘅邊會差吖, 而且用左Callebaut 嘅朱古力,yummy.... 剛剛50個一日食晒lu.
可能耐無焗蛋糕嘞, 焗完之後, 要收執殘局時, 雞手鴨腳, 正想收好包用剩嘅脆脆片, 一個唔留神倒瀉晒落地, 真係執餐死
我都好多時會咁大頭蝦的, 算啦, 冇法的了. ^_*
回覆刪除[版主回覆11/11/2009 22:24:00]我都係用kenwood果個打蛋器呀.
對我嚟講係好難呀, 又唔慣用唧袋, 真係一團糟.
妳好快手呀! 做得好好呀, 呢個係最好吃但係又最難做得好的.
回覆刪除妳用什麼去打牛油朱古力漿呀??
一次過做了全份，又一日食晒，好勁啊！
回覆刪除呢個又真係幾好食！
[版主回覆11/12/2009 21:44:00]係呀, 個個朋友食過都話好食.
嘩! 五十個咁多一日消哂. 咁我們時差十三小時, 無份喇
回覆刪除脆脆片是買現成的嗎? 睇怕我們這裡沒有的
零晨一時, 濕濕碎啦. 還有失眠嗎?
[版主回覆11/12/2009 21:47:00]有機會一定整比妳食.
果晚都要3點幾先訓呢, 呢排又訓得麻麻地, 都係訓得3~4個鐘.
50 個一日食晒???????????点解我冇份???????????????? 面那些薄脆好難搵呀!!!!!!!!!!!!!!!!!!!!!!!!!究竟係乜黎???????????????
回覆刪除[版主回覆11/13/2009 11:28:00]同d朋友一齊, 一口一個, 好快食晒, 你嚟我一定整過比你食...
d薄脆好似d春卷皮咁, 不過係有少少朱古力味同埋薄過紙咁.我諗只喺烘焙店先可以買到, 你返嚟嘅話記得入定d貨.
一定好好味啦! 一日可以食50個,妳唔似食到噃?!
回覆刪除[版主回覆11/17/2009 17:07:00]哈哈!當然唔係我一個人食啦.