焦糖脆杏仁朱古力

自從學左整朱古力之後, 好想係屋企自己整, 睇吓自己學成點, 剛剛朋友幫我買左張好靚嘅朱古力texture sheet, 趁年三十晚下午有2~3個鐘頭得閒, 放膽自己整一次, 得嘅話夜晚食團年飯時可以比親戚試吓.唔駛問梗係好味啦!

 

唔失敗已經好開心啦! 整多d會進步架啦!

張texture sheet出嚟嘅效果好靚呀. 唔該晒my.

 

 

Continue Reading...

年尾蒸糕

祝大家新春大吉, 新年進步!

年二十八約左小三一齊整糕, 坊間蘿蔔糕同芋頭糕的食譜有很多, 我地都係試試吓.有些做法同我做開的都有些出入,

整芋頭糕就用左其他做法, 係將一半芋頭壓成蓉, 再加入粉漿, 不過整左出嚟嘅口感就好似食番成舊芋頭咁, 真係so no good.

大功告成.

 

Continue Reading...

法式香橙烤鴨@TGC

見到個名已經好吸引, 好想知道西式煮鴨會係點. 個鴨皮雖然唔及片皮鴨同燒鴨咁野味, 但係個汁配D鴨肉就好鬼正. 學識煮果個汁好有用呢. 重有2個示範菜都係我鍾意的, 一個係青豆薄荷湯(今堂大忙啦, 冇影到相),  另一個係烘車厘子沙巴翁.

我隻鴨焗得好均勻, 幾靚吖.

miss 將佢焗完隻鴨用西式法切件後唔係有好多咋.不過就啖啖肉呀.

烘車厘子沙巴翁. 簡單易整兼好味.

 

Continue Reading...

焗魚柳

早幾日有朋友到訪, 可惜早一日又出左街, 冇時間預備食物, 只好簡簡單單焗個魚柳, 還臨時抽起預算煲雜菜湯的薯仔.整出嚟嘅效果又好好味喎, 於是又整多次做晚餐.

材料好簡單只有薯仔, 魚柳, 橄欖, 香草, 黑椒同鹽, 還有黑松露油. 佢地嘅味道好夾, 好清新, d黑黑松露油好幽香呢.

好鬼健康呀, 食左都唔肥嘅一餐.

Continue Reading...

朱古力大製作 (2009-1-11)

在我嚟講係大製作嚟架啦, 多謝朋友邀請可以比我分享到整朱古力的過程.

第一次嘗到100%的朱古力.

好友好似粵語長片的鑿石仔工人咁, 鑿呀鑿呀, 把一舊2.5kg成2吋厚的朱古力磚鑿碎.

我地整左幾種味道的朱古力, 有提子, 開心果, 杏仁脆條, 伯爵方塊.

應該係話佢地整先啱啊!

好友即整的脆焦糖雪芳, 食嘅時候要整碎件cake, 將雪芳蛋糕蘸些cream, 再加埋脆焦糖碎一齊食, 食完又想食, 食完仲想食.

有人食到唔停到口的脆焦糖.

Continue Reading...

餅友聚會@屯門 (2009-1-10)

on on邀請我們到她家, 大家又可以見面了. 話明餅友聚會梗係不離食啦!

on on 為我們焗的 ribs. 謝謝你的邀請啊!

donald 的得獎作品"營營樂樂"
三文魚同蝦整成膠,加入馬蹄, 已蒸熟蝦米和冬菇, 再用有菠菜的蛋皮包住, 再蘸蛋漿, 麵包糠煎香食, 真係唔簡單, 唔駛講都知好味啦.

candy 的肉醬千層麵, 年紀細細, 廚藝高手.

88的蛋白杏仁茶, 啱晒呢d天氣.

肥妹仔的朱古力同香蕉cake.

小三帶大家即席炮製的烏龍蓮茸包.

on on要把他變形.

我的山東醬牛展

Continue Reading...

my diamond

我好鍾意食朱古力, 由其是dark chocolate. 見到朋友們係blog上post左佢地整嘅朱古力好似鑽石咁, 真係恨死. 哈哈! 我而家都整到啦! 原來一粒朱古力都有好多學問, 多謝 Johnny sir細心的講解同教導, 令我對朱古力的認識同埋可以整到咁美味又鑽石般的朱古力.

反轉個模, 把朱古力"凳"在枱上. 嘩! 一見到d閃閃令嘅朱古力, 開心到唔識形容呀.

雖然d朱古力已經食晒落肚, 睇番呢張相仲開心緊呢.

..............唔識講野啦!

Continue Reading...

2009 New Year Party

相約曾經一同旅遊日本的團友聚會, 因為大家都好忙, 日子一改再改, 由舊年約到今年, 終於成團啦! 聚埋一齊梗係大食一番, 跟住又計劃一吓下個行程啦!

紅酒燴羊膝


肉醬千層麵......整整吓, 好鍾意自己整麵條呢, 都唔係咁難啫, 有部壓麵機就perfect啦!!!! 

焗南瓜.........3年前跟大師學的.
 

團友帶來的匈牙利鵝肝醬, 好好味呀.
 

團友炮製的皮脆肉滑滷水雞翼
 

用茴香頭, 芹菜頭整的沙律, 團友覺得好特別, 好受歡迎呢.
 

團友整的凍蟹, 肉厚清甜, 正.......
 

已經飽到不得了, 佢地話要試吓我部麵包機, 即刻整左個合桃包, 不過都清埋.
 

掛住食, 仲有個焦糖燉蛋同羊架唔記得影相. 好滿足好開心的一個元旦啊!

Continue Reading...