聖誕日和團友聚會, 團友話想試吓少年食神喺電視節目內介紹嘅屏山盆菜, 我地7個人訂左個10人嘅中盆菜. 傾吓講吓, 好開心呢, 仲約定出年9月去西班牙, 葡萄牙.
味道唔錯, 好住家feel, 係豬腩肉多左d, 最好係食完都無口乾.
跟盆菜的雞鵝炒飯, 炒得乾身.
炸門鱔, 我無食.
團友帶嚟好大個生果藍有士多啤梨, 多汁好味嘅蕪花果, 啤梨, 好甜嘅提子, 橙, 好香嘅木瓜.
大人細路都啱嘅薯片.
當然有我例牌嘅雪芳蛋糕, 今次係綠茶雪芳, 我仲打咗d綠茶cream伴吃, 都幾好味, 第日再整過...
還有禮物收, 不過我都無預備禮物, 真係唔好意思呢! 因為就快勇闖北京, 我要擺脫嗰個出門旅遊症候群, 近排都採取戒備狀態.
祝大家2011年事事順境, 身體健康, 開開心心! 我祝我自己時常周遊列國!