10月3 ~ 4日
原本計劃前往柳川
大家都希望有多些時間shopping一下
所以改了自由行
這兩天都是行市場, 超市和百貨公司
1300日元一袋去殼白果都幾貴.
團友買了有殼的.
魚類好平.
呢座大廈啱睇的話可以行足一日.
Brasserie Paul Bocuse Hakata
多日嚟都係食日本餐, 呢餐轉轉口味,
朋友們去食燒牛舌, 我和husband揀了法式餐廳.
2500日元有頭盆或湯, 主菜, 甜品, 咖啡或茶.
我點的魚, 清清的很可口.
紅酒燴蕪花果配焦糖雪糕芝麻餅
見到都知好食.
法式焦糖燉蛋.
在日本食嘢最好係不用加服務費, 又唔收小費.
Station Oyster Bar
晚上按行程去了一間主要食蠔的餐廳
一個套餐有幾款唔同煮蠔的菜式, 最好味係炸蠔.
熱辣辣的忌廉菠菜焗蠔.
晚上團友話要食拉麵消夜,
我還未消化好呢.
一列的排檔, 環境很地道,
不過很商業化,
要食得很快, 不可以坐下來慢慢吃慢慢傾計,
在大排檔吃這個關東煮要600日元, 好貴呀.
拉麵只是一般般.
食完消夜步行回酒店, 太約20分鐘,
有團友就乘的士.
最後一餐又去早一日吃過的法式餐廳,
今次選了個最平1900日元的套餐,
以為平的會普普通通,
吃過之後真係要大讚.
職員會自動幫你添加麵包.
南瓜凍湯, 有味道有質感.
忘記husband吃的是什麼.
用低溫烹調的雞胸肉, 肉質又焾又嫩.
超味美甜品要encore喇!
沒有澀味的紅茶, 令人很舒服.
最開心在這個旅途最後吃到一個又平又好味嘅午餐,
留下一個美好印象, 現在睇番都好懷念呀~
回港過關時有少少阻滯呢~
因為日本增加消耗品有5%免稅,
所以最後一擊便到超市掃貨,
不例外買了很多生果,
還有果醬蜂蜜等等,
退稅時, 職員把所有退稅物品放入一個大透明膠袋,
說未離境前不要打開封條,
我奇怪便問她, 蜜糖也可以?
她說可以, 只要不打開膠袋封條, 以便過關檢查,
唯有信佢喇, 不過信佢就C囉,
因為比得海關檢查就要手提行李上機,
當然嘅係過唔到安檢, 因為有兩支樽蜜糖都超過100ml,
幾乎要沒收, 不過我堅持係要報關貨品,
擾攘了一大輪, 有個較高級的到來,
又說了一輪, 終於比我出番去航空公司柜位把兩樽蜜糖寄艙.
雖然兩樽蜜糖唔係貴, 但係唔係我錯吖嘛,
第日唔理佢, 照收入喼上艙lu.
下次旅程去韓國喇,
團友話想睇雪喎,
要練好身體先得囉...
Station Oyster Bar
http://www.oysterbar.co.jp/stationoysterbar/index.html
Brasserie Paul Bocuse Hakata
http://www.paulbocuse.jp/eng/hakata/
Continue Reading...