真係鍾意咁, 我呢個家庭背後的精神支柱, 比幾日我做吓無腦嘅人, 頹廢幾日, 唔好問我一陣去邊, 一陣食乜, 去到邊度就喺邊度, 真真正正嘆一吓呢個世界.
記得2年前賣AUS$659, 依家$799啦.
起初以為點解佢地食芥蘭去晒d葉, 剩食莖同花, 原來呢d唔係芥蘭, 係屬西蘭花的一種.
bugs夠竟係乜呢?
佢地嘅餅面設計真...............
呢部車好有安全感呢.
佢電左髮......
你估佢係乜東東?
其實佢係一隻個頭好肉酸嘅雞啊!
老友的囝囝終於成家立室, 一行叁拾幾人浩浩蕩蕩組個2日遊的旅行團到其家鄉新會, 出席他的祭祖儀式. 今個團的行程很輕鬆, 第一日去南樓, 立園, 影城,晚上入住溫泉酒店; 第二日去玉臺寺跟住就到老友的家鄉. 輕輕鬆鬆啱晒我呀.
係深圳集合, 3個鐘的車程到達開平, 第一件事就係補充番d能量. 呢個煲一上枱, 大家都問侍應呢煲係乜, 雖然佢話係羊肉, 不過呢煲羊肉始終無食過, 可能大家心埋有個疑慮掛, 原來開平食狗肉是很普遍的.
把梯背後, 即係兩個大人中間還坐左兩個小孩呢, 犀利.
南樓 :係1945年有7位壯士在這裡抗日的遺址.
大樹好遮蔭呀, 坐係在樹下特別涼的.
行車途中影的, 佢地好似係度剪成衣的線頭.
導遊哥哥話乜乜飄雨西關情(我唔記得左)就在這裡拍的, 呢度係我到過中國的地方, 給我感覺最好的.(暫時嚟講呀吓).
立園: 一位姓謝大戶人家所有的, 導遊一路行一路講他的四位姨太太事跡, 可惜我冇心機聽.
入住的溫泉酒店, 雖然我地住的房有私人溫泉, 不過我都唔會浸呀. 早餐和晚餐都係自助餐, 除左烚粟米, 蕃薯同白粥之外, 其餘都...........由其是見到那盆狗肉, 後悔無自備杯麵. 好在帶左d朱古力曲奇.
第2日, 到老友的家鄉新會了, 一入村見到有好多屋簷底都有鳥巢, 有一隻雀bb跌左落地, 唔知佢後來點呢?
騎樓對騎樓,行過去好方便呢, 下層果兩家都好好吖, 落雨唔駛收衫.
名符其實的竹門.
串爆竹由2 樓垂落地下好長呀, 佢地有個習俗, 燒完爆竹, 條村嘅鄉親父老, 叔伯兄弟就會自動嚟聚誼樓用宴架啦.
好地道的家鄉菜.
主角的八拾多歲爺爺好勇呀, 佢用火機點爆竹啊. 以上幾張相係我喺2樓露台伸個相機出街猛按制影的,冇睇影左d乜架, 因為要走得快呀, 一點左爆竹就會關露台門的, 如果唔係d爆竹會彈入屋. 有幾位老友走唔切, 困左係露台, 唔知佢地感受如何呢?.......................唔知邊個關門關得 咁快手.