老友的囝囝終於成家立室, 一行叁拾幾人浩浩蕩蕩組個2日遊的旅行團到其家鄉新會, 出席他的祭祖儀式. 今個團的行程很輕鬆, 第一日去南樓, 立園, 影城,晚上入住溫泉酒店; 第二日去玉臺寺跟住就到老友的家鄉. 輕輕鬆鬆啱晒我呀.
係深圳集合, 3個鐘的車程到達開平, 第一件事就係補充番d能量. 呢個煲一上枱, 大家都問侍應呢煲係乜, 雖然佢話係羊肉, 不過呢煲羊肉始終無食過, 可能大家心埋有個疑慮掛, 原來開平食狗肉是很普遍的.
把梯背後, 即係兩個大人中間還坐左兩個小孩呢, 犀利.
南樓 :係1945年有7位壯士在這裡抗日的遺址.
大樹好遮蔭呀, 坐係在樹下特別涼的.
行車途中影的, 佢地好似係度剪成衣的線頭.
導遊哥哥話乜乜飄雨西關情(我唔記得左)就在這裡拍的, 呢度係我到過中國的地方, 給我感覺最好的.(暫時嚟講呀吓).
立園: 一位姓謝大戶人家所有的, 導遊一路行一路講他的四位姨太太事跡, 可惜我冇心機聽.
入住的溫泉酒店, 雖然我地住的房有私人溫泉, 不過我都唔會浸呀. 早餐和晚餐都係自助餐, 除左烚粟米, 蕃薯同白粥之外, 其餘都...........由其是見到那盆狗肉, 後悔無自備杯麵. 好在帶左d朱古力曲奇.
第2日, 到老友的家鄉新會了, 一入村見到有好多屋簷底都有鳥巢, 有一隻雀bb跌左落地, 唔知佢後來點呢?
騎樓對騎樓，行過去好方便呢, 下層果兩家都好好吖, 落雨唔駛收衫.
名符其實的竹門.
串爆竹由2 樓垂落地下好長呀, 佢地有個習俗, 燒完爆竹, 條村嘅鄉親父老, 叔伯兄弟就會自動嚟聚誼樓用宴架啦.
好地道的家鄉菜.
主角的八拾多歲爺爺好勇呀, 佢用火機點爆竹啊. 以上幾張相係我喺2樓露台伸個相機出街猛按制影的,冇睇影左d乜架, 因為要走得快呀, 一點左爆竹就會關露台門的, 如果唔係d爆竹會彈入屋. 有幾位老友走唔切, 困左係露台, 唔知佢地感受如何呢?.......................唔知邊個關門關得 咁快手.
自古以來, 青草一直在中國的社會裏, 在醫學上扮演相當重要的角色. 的由來; 也是透過先人嘗百草的精神, 逐步的研發出來. 俗曰"萬能":人體的結構是由骨骼和經絡結合而成, 百病的根源在於氣血循環不良, 導致經絡酸腫痛各種的產生. 萬能薄荷百草液的功能充足人體之葉綠素可再造人體之細胞. http://tw.myblog.yahoo.com/grassallpurpose
回覆刪除哎吔, 妳唔講係鳥巢, 我以為係熊掌呀
回覆刪除三十幾人的老友團, 好難得呀.
老人家愛保持舊有的習俗, 對他們是一種對先人的尊敬.
[版主回覆05/14/2009 17:51:00]熊掌? 係我攝影技術問題, 有待改善, 或者搵日請小三過番幾招.
都好佩服人地個爺爺嫲嫲, 兩人過時過節都返鄉下行吓, 唔駛d後生照顧.
果Ｄ叫燕子，開平有好多。反而香港我就未見過
回覆刪除[版主回覆05/14/2009 17:53:00]係呀, 聽d鄉親講果d係石燕, 所以d燕窩無用的.
哈哈！我與jenny第一眼看以為係熊掌，看真些才知是燕子，
回覆刪除香港的上水舊屋騎樓都有，但我一向很怕近望，因容易被高空擲物
[版主回覆05/14/2009 17:56:00]我係青衣青怡花園都見過, 不過早排去唔見左lu, 可能怕禽流感, 比人拆左.
這鄉間之旅, 幾有風味呀, 電視上我就看得多, 但係冇去過.
回覆刪除狗肉........中國南方, 係食狗的民族, 好次韓國也會吃狗的, 小時候我都懵查查食左一塊, 什麼味道都忘了. 幸好以後沒再遇過了.
[版主回覆05/14/2009 21:45:00]係大陸食野我會好小心的, 如果唔肯定果碟係乜東東, 我唔會食的, 試過有次食左一件細小的有骨的肉, 原來係田鼠, 真攞命. 所以返大陸都係食菜多, d菜其實都好新鮮, 不過佢地又用鬼死咁多油煮.
臘田鼠!!!!! 柴九最喜歡的呀!!
回覆刪除幾年前, 收到一係列照片
1. 祖國某酒家, 好靚乳鴿腿
2. 未炸的乳鴿腿, 有d不似樣
3. 斬緊, 咦, 個身體不是乳鴿......
4. 全相, 一隻隻田鼠屍......!!!!
[版主回覆05/14/2009 21:49:00]好恐怖!返祖國記得帶多幾個杯麵.
D雀肥嘟嘟好可愛呀!!!
回覆刪除[版主回覆05/19/2009 11:00:00]係呀, 佢地好似等緊雀媽媽搵野返去比佢地食咁, 個個伸左個頭出嚟.