噚日係父親節, 呀女緊會有d表示嘅.
去過幾次太古城的Simplylife Bakery Cafe, 覺得都唔錯呀.
d 包包好正呀, 個staff見我地食晒, 問我地仲要唔要多份, 當然要啊!
好香的忌廉磨菇湯, 好似我整嘅味道呀!
8oz 漢堡牛扒, 囡囡大讚.
香草燒羊扒, 我要八成熟仍然好juice唔"鞋"呢
lime cheese cake, 有d失望lu
呀女話呢d糖好味............. 糖都會好味嘅
2009年6月22日 星期一
father day's dinner @ simplylife
2009年6月15日 星期一
失眠一族
失眠在我嚟講有3大類, 第一係無睡意, 鬼咁精神, 唔緊要訓唔著咪唔訓囉.
第二係好眼訓好累, 但係個腦就好清醒, 不停地轉環遊世界.
最怕係第三類, 好累唔眼訓, 個心好跳, 抖唔到氣加埋出冷汗, 咁就要坐係度訓會舒服d, 真係扑暈我好過.
以前一個星期起碼兩三日係咁, 真係唔得佢死, 近排食左中藥好d, 一個月有幾日咁啦.
好多時咁就眼光光到天光, 不過有次睇住個太陽慢慢升上嚟, 黎明時嘅天空好靚呢!
朝早嘅雲霧開始散..
窗外嘅雲霧仍未散..
5點幾個天開始光
太陽慢慢升上..
有人叫我繼續影. 哼! 你估我想架咩.
悠悠閒閒@ JW Marriott(13/6/2009)
以往餅友聚會都係整完食, 食完又整, 忙過不停, 今次難得清閒地歎歎歎,今次去左JW Marriott 歎tea buffet, 由1點幾食到6點, 由1點幾hea到6點. 最舒服係那張高背梳化, 見到隔離枱的客人食完小睡片刻, 睡醒再食過, 真係歎.
2009年6月11日 星期四
Annie 的烹飪課堂: 口水雞, 紅油抄手, 担担麵.
以前係中電都跟一位上海師傅學過這味口水雞, 醬汁的材料都差不多一樣, 只係份量因個人口味而有別.
口水雞, 呢碟係miss整的, 好辣啊! 不過好快辣完, 係麻辣的. 不過最失望係大會供應的雞只係隻雪雞脾.
雪雞脾我覺得只有炸的才好味, 記得最好味的炸雞脾係喺天星碼頭的美心快餐, 那裡沒有座位的, 只有幾張高枱, 我常說笑喺度食企鵝餐.
担担麵, 呢碟又係miss整, 個湯少許辣,很清香呢, 好味過什麼泰呢.
紅油抄手, 我今日的午餐, 我怕辣唔敢落咁多汁, 原來d汁都唔係好辣
午餐再加碟口水雞, 噚晚husband食過話好辣, 自己食都係落少少汁好.
2009年6月8日 星期一
新大計 (gathering @ Celia's home 7-6-2009)
相約去旅行的團友聚會, 剛啱好友新居入伙, 一嚟參觀吓佢個高智能廁所, 又商量吓9月的旅行行程, 不過原本一早計劃去東歐的, 傾吓傾吓, 依家變緊節去日本九州.
傾完去左南華會順德公食魚宴, 今日真係食到好飽, 因為昨日嘅都未消化好, 食完飯返屋企, 一入屋就係梳化大昏迷訓左4個幾鐘.
主人家的大蝦沙律
台灣温泉皮蛋加自家製酸薑
我的拿手菜醉雞
開心果朱古力曲奇, 今次好認地磅下d曲奇, 個個10克重的, 剛剛好一口一個.
七穀曲奇
砂鍋焗魚咀~~~~~~~超正呀!
砂鍋焗魚咀, 每人有半個魚頭上碟的.
蒜子炆魽魚, 好鮮味好滑呢.
欖角蒸邊魚, 呢條魚成三斤重. 好味
梅菜蒸菜心
還有蒜蓉豆豉炒蕃薯苗同排骨蒸陳村粉, 太美味啦, 唔得閒影相呢.
Continue Reading...
傾完去左南華會順德公食魚宴, 今日真係食到好飽, 因為昨日嘅都未消化好, 食完飯返屋企, 一入屋就係梳化大昏迷訓左4個幾鐘.
還有蒜蓉豆豉炒蕃薯苗同排骨蒸陳村粉, 太美味啦, 唔得閒影相呢.
餅友相聚@八八(6-6-2009)
大家好耐冇見啦, 多謝88又借間屋比我地搗蛋, 希望唔好嚇親佢個工人,煮吓食吓, 食完又整煮吓, 計計埋埋我食左18樣美食呢.
88招牌沙律
88拿手芒果河粉
Candy 的Taiyaki鯛魚燒
Candy的chocolate madeleine
Elaine 的炸蝦卷
Elaine媽的西米糕
小三的玲瓏南瓜菓子
Vanlily的chocolate ganache cake
霖霖的香煎鵝肝
小堡主的櫻花蝦杏仁紙
小堡主的咸芝士蛋糕
肥妹仔媽媽的咖哩牛腩
OnOn的泡菜餃子
我的烘車厘子沙巴翁
即整缽仔糕
即場整雞蛋卷
還有Donald 的大西瓜和配咖哩的現成薄餅.
Continue Reading...
即場整雞蛋卷
還有Donald 的大西瓜和配咖哩的現成薄餅.
2009年6月5日 星期五
點解咁嘅
新買嘅無鹽牛油都未過期, 切唔到兼裂開晒, 切嘅時候仲聽到"肋肋"聲, 好脆硬呢, 唔知要佢嚟整曲奇會唔會更加脆呢, 不過食落肚, 都係擺佢係最安全嘅地方..........垃圾桶.
我從未遇過咁嘅牛油.
2009年6月4日 星期四
七穀曲奇
停工左好耐啦, 屋企原來仲有好多材料, 要快快手清一清個柜.
呢個曲奇係跟'美味diy'的, 因為佢大部份材料我都有呢, 只係無栗米片, 我用左七穀粉代. d七穀粉原本要嚟整麵包的, 但係d七穀粉都好硬, 整到個麵包機有d花左.
天氣熱加潮濕, 我要開大風扇同冷氣
食左一個, 果然好味.
訂閱：
文章 (Atom)