失眠在我嚟講有3大類, 第一係無睡意, 鬼咁精神, 唔緊要訓唔著咪唔訓囉.
第二係好眼訓好累, 但係個腦就好清醒, 不停地轉環遊世界.
最怕係第三類, 好累唔眼訓, 個心好跳, 抖唔到氣加埋出冷汗, 咁就要坐係度訓會舒服d, 真係扑暈我好過.
以前一個星期起碼兩三日係咁, 真係唔得佢死, 近排食左中藥好d, 一個月有幾日咁啦.
好多時咁就眼光光到天光, 不過有次睇住個太陽慢慢升上嚟, 黎明時嘅天空好靚呢!
朝早嘅雲霧開始散..
窗外嘅雲霧仍未散..
5點幾個天開始光
太陽慢慢升上..
有人叫我繼續影. 哼! 你估我想架咩.
太陽慢慢升起那幾張好靚呀. 妳這是山頂區呀, 好像高過其它大樓啊. 望向山下......獅子山下...............
回覆刪除失眠真係好辛苦. 讀妳的文字又唔覺妳係失眠一族. 怪唔得妳問過我係咪喇.
[版主回覆06/17/2009 13:31:00]失眠左好多年lu. 噚晚都係今朝成6點先訓著, 9點幾起身, 真係早睡早起呀
原來靚景的背後, 是失眠的長夜......哎. 我都有間中失眠, 幾年前比較嚴重, 我都試過這三種失眠. 我是易入睡但易醒的類型.
回覆刪除1. 唔眼訓的..........或訓了晏覺, 半夜醒了怎也不肯睡, 如果係一兩點醒就好d, 仲有機會番訓, 但如果四五點醒就慘了, 眼光光等返工........如果第二日放假就冇問題, 聽mp3或電台, 或者想d舒服的情境, 天光一定訓到的.
2. 有心事的.........例如老細比左個難題, 或者受了老細氣, 或者家人身體出了問題..........諸如此類, 半夜就醒, 各種前因後果, 千頭萬緒在腦類重覆又重覆, 好鬼辛苦, 我一定開了mp3, 用音樂或電台的聲音壓抑思緒, 不過多數要攪到天光至訓, 跟住鬧鐘又響了.
3. 不舒服的......幾年前試過大感冒, 跟住身體不好, 試過一排半夜醒了, 覺得呼吸不順, 全身很緊張, 輾轉反側都不舒服, 標冷汗, 發抖(不是發燒呀!), 覺得很抑鬱, 於是要出廳, 開了電視細細聲看粵語殘片.......晚晚如是, 我都不知那時怎捱得過去.........看醫生問他是不是食了藥的後遺症, 他又說冇可能, 結果又係睇中醫, 唔知係咪撞彩, 之後就好番, 一直都冇番發了.
近年都好d了, 好間中才失眠一次.
[版主回覆06/17/2009 13:42:00]如果四五點都未訓到, 實行等天光都得lu. 希望睇緊嘅中醫幫到我啦. 都唔知失眠引至抑鬱, 還是抑鬱引至失眠咯
我基本上係睡仙, 最怕被人嘈醒, 我會想剎人. 早半年我就因為工作, 半夜醒咗瞓吾番, 近排問題得以解決, 所以大覺瞓. 病呢, 我仲瞓得熟. 最好係 Jenny, 可以吾瞓!
回覆刪除[版主回覆06/17/2009 13:48:00]你就好啦, 我有個朋友佢話通常數唔到10聲就訓左架啦, 好羨慕呀.
嘩!Jenny唔訓都得, 我累得滯都會訓唔到架喎, 因為成個人停唔到咁.
每當的第二朝有緊要野要做, o個晚多數會訓唔著......
回覆刪除個腦係咁諗野, 不停諗, 不停諗......
如果要早上6起身既話, 通常轆好耐都訓唔著, 如是者2點望一望鍾, 4點幾又再望一望, 5點半望多望, 總會o係個鐘叫之前按熄佢......訓得唔lum
通常都係做完第2日既野, 番屋企先大覺訓zzzZZZ
[版主回覆06/21/2009 00:23:00]係囉, 訓唔著好鬼煩, 不過你後生女唔訓一兩晚無問題嘅, 但係我喎 , 唔訓一晚好殘架.
我快失眠果陣,就話俾自己聽,10分鐘內不想東西,每次都入睡,試下.
回覆刪除[版主回覆06/22/2009 19:09:00]thanks! 等我又試下.
我失眠一定會找本書看，萬試萬靈，很快就瞓著，
回覆刪除可想而知我幾無讀書緣呀^0^
[版主回覆06/23/2009 17:15:00]我愈睇愈精神, 要睇晒成本先安樂咁.