網頁

2010年5月14日 星期五

閉關?

講你都唔信, 我3日無出過屋企門口嘞, 早幾日紮袋垃圾扭到尾龍骨,痛到坐都坐唔到. 唉! 應該踎喺度整袋垃圾吖嘛, 真係失察, 我諗痛多兩日無野喇掛.


出唔到街, 第一日食糧倉剩番嘅存貨, 第二日要husband放工買燒味, 今日要食穀種lu.


無無聊聊, 又拎番個盒開工喇 ~ ~ 


要將3個印仔印成一朵花, 都幾難呀, 好易印錯位呢!



 


 


終於搵到個高身盒, 可以放呢d家當, 又可以升高個位嚟雕印仔, 條頸無咁傷呀.



Continue Reading...

2010年5月13日 星期四

新寵

原有嘅canon 850跌左落地下幾次(比個藉口自己), 個殼有少少分開左, 加快換機嘅意欲, 其實佢仲影到相架,  傾左好耐最終決定買 S90. 又要咪說明書喇.

半夜4點仲未瞓到, 起身發吓癲.......











 





仲未識用 ~ ~ ~

Continue Reading...

開會囉~ ~ ~

嘻嘻 ~ ~ 又係diy團友開會時間喇.


日本日向夏柚子

雖然皮厚多核, 但味道很清新

唔記切一小片嘗試吓啊!!!

突然喺廚房傳嚟慘叫聲

走入廚房見到咁嘅情形

哦! 原來係倒瀉食用色素

印花蛋卷

掃上日向夏柚子皮茸連糖水

好清新, 夏天食最啱嘞



 


是日的茶點

我好懶呀....只係買左d零食



 
開工囉

呢張當然係主席整架喇



呢個係家課嘞

邊似豬啫 ~ ~ ~ 老鼠嚟架喎



Continue Reading...

2010年5月6日 星期四

牛一

星期初係我牛一, 要去廸廸尼攞番個生日徽章, 終於儲齊一套四款喇. 扣住個生日徽章, 有好多唔識我嘅人(其實全部都係廸廸尼嘅員工)都會講聲happy birthday, 成日有人提住我生日快樂, 又係幾開心架. 







今次特登一早去, 攞埋個星級徽章.







去咁多次, 呢日最少車, 有d愕然.







同husband歎番個brunch茶先.






最好食係個蛋散, 沾滿糖膠都一樣咁鬆脆有蛋香.












今日只係睇咗頒獎禮同搭船仔.







攞章任務完畢, 之後去左東薈城逛逛, 又到tea time時間.







夜晚約左呀女係尖沙咀食壽司, 再買左幾件cake返屋企做宵夜.






呢日雖然無切蛋糕吹洋燭, 不過食左幾件唔同味道嘅cake, 好滿足呢.


Continue Reading...

2010年5月5日 星期三

焗牛柳伴南瓜茸焗薯Madeira汁 @ L'Atelier du Goût

好充實嘅一堂.



 


 


好開心可以跟九龍香格里拉酒店嘅行政副總廚劉志榮師傅學烹飪, 劉師傅好nice, 教我地好多烹調技巧, 仲超晒時呢.



 


 


 



之前第一次見到呢個爐就好鍾意佢喇, 佢係一部有內置抽油煙系統嘅流動煮食爐.................可以拖佢出花園煮野食...........kakaka發吓夢都得掛.



 


啲材料好新鮮, 見到咁多材料成個人醒神晒.



 


 


呢個美國牛柳好正呀!
各位鍾意煮西餐嘅你, 想買靚材料可以5月中去Shop A1, G/F, Yoo Hoo Tower, 38 Kwai Fung Crescent, Kwai Chung, 名廚坊逛吓喇



 


 


劉師傅又預備左d鵝肝醬多士比我地食呢, 師傅親自炮製架



 


 


 


香草粟米湯, 千其唔好睇少佢只係粟米, 好清香幼滑,  伴湯嘅粟米片, 都係用粟米粒打成粉狀再壓薄, 烘到乾脆, 成個湯落左唔少心機, 好好味架, 完全無添加其他調味, 最天然的一杯湯.



 


劉師傅的作品 ~



 


呢個就我第一次喺屋企整嘅牛柳嘞.



 


哈哈, 依家係屋企都可以整到好美味juicy嘅牛柳喇, 鬆軟無渣, (咁當然都要買到好嘅材料先得) 好在husband唔食牛, 少一個人爭食.


Continue Reading...