紐西蘭南島14天自駕遊 ~ 要回家了

2月26, 27日.
最後一日在基督城,  因為是黃昏機所以還有時間去多一個景點, 可惜去到沒有開門, 仲搵咗一大餐.

在一個小公園有個小小市集, 有幾檔售賣當地的手工藝品.

專程乘車到這個迷宮, 巴士司機好好人, 沒有按照巴士站停車, 在一處方便我們的地方讓我們下車.

竟然沒有開, 場地一片荒蕪, 大家都沒有失望, 因為搵這個迷宮都搵咗一段時間, 當玩過了.
於是又乘巴士回市中心, 很有緣, 回程時又遇著先前載我們的巴士司機.

忘記這區是什麼名字, 有熟食檔和商舖, 仲有wifi.

返回酒店得機場巴士.

Heritage Christchurch文物酒店內.

還保留著信箱, 圓形位置是放報紙吧.

酒店接待處的職員好nice呀, 見我們等得耐, 比我地入餐廳休息, 因為餐廳有長梳化坐得舒服d, 有車就通知我地, 又主動致電機場巴士公司幫我地問情況.

我們沒有在餐廳食過飯, 原來餐廳好有古典氣氛.

到機場了, 老外的地方都有這類遊戲機, 好似第一次在機場見到這些遊戲機.

倒晒碎紙出嚟, 搵嘢買, 用晒佢.

                              ~~~~~~~~~~~~~~~
輪到我嘅戰利品喇, 今次好慳家, 用咗大約700蚊買嘢. 

呢兩個係我至爰.

呀女好鍾意呢隻羊咩咩.

要嚟整麵包.

送禮自用都啱嘅朱古力.
Nespresso有出朱古力, 在香港沒有得買.

薑麥盧卡蜂蜜對胃好喎.

留比呀女, 點知佢唔吼, 唔知我忍到幾耐先掉呢.

這個吊飾是用大教堂在地震時損毀的木料造的.

機場大使派送的金幣朱古力.
旅程完結, 依依不捨, 
這十多天好像生活在世外桃園!
(真係唔想講,唔想諗回到現實會點樣點樣~)
多謝好友安排這個旅程, 和一路上照顧, 還有兩位高大威猛車手.

Continue Reading...

紐西蘭南島14天自駕遊 ~ Christchurch

2月24 & 25日
行程近尾聲, 今日出發往基督城, 
心目中基督城是個城鎮, 有很多教堂,
石仔路和小屋, 原來都是高樓大廈, 有些失望呢!

Peppers Bluewater Resort湖景好舒適
離開前影多兩張相.

前往基督城途中的雪山湖泊景色迷人.

寧靜舒暢, 空氣清新.

晨早對著雪山在湖邊吃早餐, 我諗我一生人得一次囉..

一杯熱朱古力一份三文治, 已經好開心.

大概3小時車程, 終於到了基督城.

連住兩晚的Heritage Christchurch, 是一間文物酒店. 我們沒有亂闖, 所以很少在酒店範圍影相.

一入房間見到個廚房就嘩~嘩聲, 好靚呀, 設備齊全, 仲有洗碗機啊~ 

上層有兩間房, 下層有客廳, 飯廳, 廚房.

上樓梯到房間時有些少唔方便, 因為膝頭有d痛, 好彩都唔係時常上上落落.

位於市中心的基督城大教堂, 在2011年受地震嚴重損毀, 見到都感覺心酸.

觀光電車.

這兩天半在基督城沒有特定行程, 都是在市內遊覽.

Victoria Square, 很大的花園.

在Victoria Square對面有一間西班牙餐廳, 在這裡吃過晚飯和下午茶.

第二日早上在房內吃自家製簡單早餐.

在一家商場內買觀光套票, 見到商場地上有路軌好奇怪呢~

原來是觀光電車總站.

觀光套票可選多項節目, 我們揀了觀光電車, 撑篙泛舟和植物園之旅.

有些有裂縫的大廈外牆油上圖畫.

撑篙泛舟的小船, 天氣有時曬有時大風, 坐坐下都好凍.

小妹妹好可愛.

坐車遊植物公園, 女司機一路講解公園內各種植物歷史.

 玫瑰花園, 好難得可以見到咁多品種玫瑰花.

依家先知玫瑰有咁多品種.

有咁靚的廚房, 幾累都要煮番一餐.

當然唔會放過又平又新鮮的青口.

這個預先醃好的牛扒麻麻地.

估唔到紐西蘭蜜瓜都咁甜咁多汁.

食完飯要執行李囉, 好唔捨得呀~

觀光套票:
http://welcomeaboard.co.nz/

Continue Reading...