紐西蘭南島14天自駕遊 ~ Mt. Cook, Lake Tekapo

2月23日.
今日有三個人生第一次, 
第一次坐直昇機
第一次踏足冰川
第一次睇到流星.

一早起身就是看天氣, 好緊張呀, 
因為天氣唔好無得坐.
望出窗外, 天陰陰而且雲層好低, 
噢~可能無緣坐直昇機去冰川....

一直留意窗外雲層, 
呀...天氣變化好快, 雲散了, 開始陽光普照.

天色愈來愈好.

在酒店門外等專車往直昇機場, 順便影下相.
影相時無喇喇比個中國女子用普通話話我"討厭", 原來係話我阻住佢影相, 地方咁大, 有邊個可以阻住邊個吖,或者你同我講聲, 我咪避開囉, 難怪強國人到處都不受歡迎.好在我心情非常之好, 無比佢影響心情.

 
在直昇機上原來好定, 不過都幾嘈, 每人都要戴耳筒, 一次只載6名乘客.

 前往冰川途中風景.

四處都是白茫茫, 沒有什麼好看, 又不能行得太遠, 都是影下相, 到此一遊, 自己踏足冰川的歷史性事刻.
冰川的紫外線好犀利, 一定要戴上太陽眼鏡. 返回酒店洗手時手背有些灼熱感覺, 原來手背有少少曬傷, 早知手都塗上防曬喇, 依家對手仲係黑蚊蚊的.

 機師特意駛近山邊, 比我地感受下.

 25分鐘好快玩完, 刺激活動完畢.

是日午餐...好似好耐無飯到肚, 對我嚟講完全無問題.

在酒店附近一間展覽館, 除了有紀念品賣, 還有些行山資料提供.

 我和husband揀了一個最最簡單易行的山路.

繼續駕車往Lake Tekapo, 和這晚住的Pepper Bluewater Resort.

Lake Tekapo又是紐西蘭靚湖之一.

真係好靚呢.

Peppers Bluewater Resort, 樓上是開放式廚房, 飯廳客廳, 有一個露台.地下有兩間房, 其中一間是套房.

 無時間理他, 困了在喼幾日, 今日比佢曬太陽,

 幾開心. 

 露台外風景.

這區最有人氣景點, 好多人.

 等咗好耐終於等到無人.

 比一群強國小孩追逐的可憐小兔.

雲層好得意吖 ~ 好似綿花糖伏在山上.

 好靚~

 酒店夜景.

這晚好友話出去睇星星, 可以影下星星相, 我都幾累沒有打算去, 但係話好難有機會再睇, 因為第二日就會去基督城, 城市比較難睇到星星.
於是去喇, 不得了喇, 原來天上星星係咁密麻麻, 第一次見呀, 如果沒去就後悔了.

這張相片是好友拍的, 細看下見到流星.
雖然站立了大約兩小時, 但係好值得, 人生第一次見到流星, 大概有十次, 開心得無法形容, 是整個旅程最大收穫.
唔知幾時再有機會睇呢~

Lake Tekapo
http://www.tekapotourism.co.nz/

Peppers Bluewater Resort
http://www.peppers.co.nz/bluewater/