燒熱鍋下油, 爆香薑片, 乾蔥片, 蔥, 蒜茸
加入壹字排骨(約一斤)兜勻後贊下紹酒一湯匙
加入碧螺春茶約300毫升及調味料...(生抽, 老抽各約一湯匙, 雞粉半茶匙, 麻油半茶匙, 冰糖兩小舊)
煮滾後慢火炆約一小時, 待排骨腍身後盛起, 原汁調好味道後勾薄獻淋在排骨上. 如果炆完收好汁的話就唔洗打獻啦.
炆好嘅排骨我會留待第2日先食, 因為雪左一晚, d排骨嘅油份會凝固係面,可以撇左d油冇咁肥膩, d排骨又可以入味d....
唔洗次次都梅菜炆排骨, 薯仔炆排骨之類, 呢個新嘗試都唔錯, 用左少少汁撈飯, 食到d茶味, 好味呀!
想起以前無乜胃口就會用茶撈飯嚟食, 不過而家唔會啦, 壞胃嘛.
妳好守諾言呀, 話會做茶骨咁快就有得食.
回覆刪除吓? 茶撈飯, 真係壞胃架.
[版主回覆11/27/2009 13:58:00]我煮飯好多時都會整排骨, 因為屋企人唔食牛呀, 下次或者試用普茸茶, 睇吓又會點.
而家唔撈啦, 不過如果有飯焦, 都會加d茶浸軟嚟食, 好好味架.
茶撈飯??? 我未試過, 我最鍾意湯撈飯, 可能我好喜歡食有湯的食物. 拿, 你千其吾好整茶湯呀
回覆刪除[版主回覆11/30/2009 11:10:00]我都鍾意食湯飯架, 尤其是鴨腿湯飯
茶湯?有乜味呢?