蘿蔔糕

早幾日食左一包"叮叮"蘿蔔糕.....哇.....食到我一嘴油.....都係自己整好味D嘅, 一於去街市買材料,....

菜檔呀嬸話一斤粉要8斤蘿蔔,

8斤??太重啦, 我拎唔到喎, 買6斤好啦,

食過之後, 我覺得5斤都夠啦.

 

 

6斤蘿蔔去皮切粗條, 加入糖, 鹽, 雞粉, 薑片, 胡椒粉少許調味, 水800ml, 煮焾. 掉去薑片.

 

 

臘肉1條, 臘腸1 雙, 膶腸1雙, 瑤柱10粒蒸熟, 切粒, 炒香(我唔鍾意食蝦米,所以好少用蝦米)

 

粘米粉600g加水500ml混和成漿後, 加入已炒香之臘肉材料

 

先將約3湯勺蘿白料(趁熱)加入已有臘肉材料的粉漿內攪勻, 再將餘下蘿蔔料加入, 攪勻, 放入蒸糕盆蓋上錫紙大火蒸50-60分鐘.

 

坊間煮蘿蔔糕的食譜很多, 梗有一個啱自己口味的呢!