2014元旦曼谷四天自悠行

2014年第一個旅程去了泰國的曼谷, 到達機場時見遊人唔多.可能是新年關係, 外出時沒有遇到交通阻礙問題, 只是曼谷永遠都是塞車的.

一到步便在機場的一間電訊公司買張sim card, 299baht可以7日任上wifi, 另有包100baht電話費在內.
好激氣...買了張卡就遺失我自己的sim card, 因為職員會取你的電話幫你set好所有野, 等你可以即刻用, 晚上在酒店才發現套內沒有我的sim card, 唯有即刻報失, 到回港那天再去機場電訊公司問我張sim card下落, 職員比個盒我叫我自己搵, 個盒入面有百幾張被遺失的card.....真是無言, 放棄算了.

未到check in時間, 寄存好行李便到酒店附近商場食午飯, 商場的食肆大多數都是日本餐廳.

好大的商場有列小火車在走動.

食完午飯再返酒店取房, 今次的package 揀了Central World的Centara Grand, 房間比起在網上看的有些失望, 陳設比較舊但算整潔. 浴室雖大,有一個大浴缸在中央, 花灑淋浴都在缸內, 缸邊很高, 每次跨出跨入都要好小心, 我對husband說笑, 一個不留神好易"扒"街.
最嚴重的是酒店都有古惑,  取了房間後職員送回我的行李, 開喼時, 在有喼輪的一邊(即是向地的一邊)突了件衫出來, 想信寄存行李時, 曾經有人開過我的行李,不過關得不好才被發覺, 很清楚原本是沒有衣服突出的, 因為在機場搭的士到酒店時, 司機把我個喼放在車尾廂, 喼輪向外, 我仲話:咁樣會好易整壞個"碌", 幸好行李沒有貴重物品沒損失囉.

曼谷的士有紅有綠,桃紅色最鮮艷.

一月的曼谷都有32至34度, 行這段路頭都出煙.

當勞叔叔也行個泰式禮.

午市時間, 路邊的檔很多人幫襯.

這裡的商場都高檔了很多, 那些賣地道物品手工藝店舖都不見了, 要在夜市才會見到, 已經七, 八年沒有到泰國喇.

第三晚行夜市, 好多人呀, 除了本地人, 也有好多外國人, 反而一句普通話都沒聽到.

食肆都擠滿人, 好難先搵到食.

記得廿多年前第一次跟團到泰國, 這條河的水是黑'蚊蚊'的, 依家都是一樣黑黑的.

落船後行去唐人街, 呢日超熱, 空氣又差, 行了一陣就唔想行.

 

唐人街最多的是金舖, 間間金舖都逼滿人.

 

早上的空氣已經很差, 都是灰朦朦.

很多商場外都有鐵馬.

所有商場入口都要經過保安檢測.
四天很快過, 不過我覺得四天都夠有突喇, 每天都是行商場, 因為一行出街就身水身汗, 人多車多, 很悶熱.
最唔like的是, 每次搭的士都要講好價錢才上車, 咪錶形同虛設, 司機唔會起錶, 已經成了一種曼谷的士文化.
以為泰國價廉物美, 但連住在曼谷的朋友也說曼谷的物價貴了很多.
唯一令人懷念的就是泰國的美食....