2013京阪神的元町食堂和最喜愛的日式和食。

算一算行程, 大概去了神戶的北野, 環球片場, 大阪市的梅田, 難波, 心齋橋, 南船場, 堀江, 美國村, 京都的伏見稻荷大社.
去的地方唔多, 有時下午會返酒店睡一個下午覺, 真的好悠悠閒.

 

有日去梅田的八阪神社, 經過元町食堂, 看見門外圖片很吸引, 女兒說要試試.

玉子燒是限定的, 已經售罄, 無緣吃了.

食物基本上已經煮好, 你要的話就放入微波爐'叮'熱.

燒鯖魚好好味呀, 一點鯹味也沒有, 皮仍是脆的.

 





這漢堡肉就麻麻地囉, 翻得未夠熱, 也不好吃, 這是女兒的評語,我沒吃呀, 佢話唔好食, 唔想我地食, 所以等佢自己食好喇......突然咁乖.

 



 煎蛋即煎好香蛋味.

好經濟又地道好味的午餐.

某商場的細小空中花園, 這裡好浪漫.

最喜歡吃日式和食套餐, 有壽司, 烏冬, 天婦羅, 刺身等等, 樣樣都好食.

所以吃了很多餐呢.

 各間和食店舖水準都唔錯.

呢個套餐食完真係好飽呢.

在大阪最後一個晚吃了吉列豬扒.
這間店的店員好細心, 一留意到我們吃完就送上兩杯熱熱的濃茶, 讓我們消消滯.

這一餐食到頸都長了, 吃了兩個幾鐘頭.

 貪得意買個天婦羅杯麵, 原來是這樣子, 百幾日元一個, 貴左d囉, 所以沒入貨了.

又食得最多的日式蒸蛋, 好味道, 滑嘟嘟的.

行得累又去飲下茶.

 

在Osaka City Station門外的水滴水池, 文字, 時計和圖案都是水點由上而下, 沒有沿著線的, 好新奇別緻.

在大阪的日子, 留意到有一座大廈頂有個摩天輪, 最後一晚行去看看, 原來是年青人商店.
太高喇, 影唔清摩天輪.

最後一個景點, 之後回酒店執拾, 預備第二朝早機.

整個旅程總算幸運，去程凌晨機被upgrade了, 可以睡覺好的, 要去的地方都去得八八九九, 要食的又吃了, 要買的又買左, 又和住在京都近郊的朋友會面. 雖然天氣都是陰暗, 好彩只是最後一日出機場時才下雨，又期待一家人去旅行...