2013京阪神悠閒的一天

早在5月用飛行里數換了12月初到大阪的機票, 終於出發喇.
今次囡囡也同行, 好耐未試過一家三口去旅行, 好開心呢.
編行程, 訂酒店, 上網訂機場巴士票, 上網訂位食飯一手一腳自己搞, 好有成功感.
預計好晒車費, 9日8夜行程只需要4990yen, 所以什麼pass都沒買.
搭凌晨機時被upgrade了, 可以睡到一覺真好.

大阪的街道和商場已經佈置好聖誕裝飾, 好有聖誕節氣氛.

因為凌晨機, 酒店又要兩點才可check in, 放好行李, 出外食過早餐, 逛了一陣行街, 再食個午餐才回酒店.

 最鍾意食日式蒸蛋, 蛋蒸得滑嘟嘟, 內有雞肉, 蝦和銀杏.

 

攞了房間, 睡了4小時至天黑才出動.

在酒店附近的[新梅田食道街], 串燒, 鐵板燒, 拉麵, 天婦羅食店林立, 但很多都是立食的, 唔啱我囉.

 

住了8晚的酒店, 最like係有機場巴士直達, 今次唔使拉住行李喼上落地鐵, 附近又有好多商場, 食店, 有一條通道直去地下街和地鐵, 真係好方便, 不過一到地下街就多人到令你暈得一陣陣.
日本人習慣左上右落, 如果要行對面, 囡囡話好似要青蛙過河咁.

第一晚就在酒店的餐廳吃自助餐, 有101種食物, 剛剛買點主題是黑毛和牛, 每位4600yen, 網上早訂位平500yen. 之後經過餐廳見主題改了長腳蟹, 住客還有8折.

好大個雪山蛋糕甜品.

芥末醬噴泉.

 encore了幾次的黑毛和牛.

 

 

沒有味道的龍蝦仔尾.

食完自助餐在附近商場欣賞聖誕裝飾, 然後回酒店lu.