2013京阪神的環球影城。

旅程第二個任務要做嘅就係去環球影城，出發前在旅行社訂購了樂園門卷，去到唔使排隊購票, 三張票又平了百多元.
原來由大阪去環球影城好方便同好近,在JR大阪車站乘[JR環狀線]搭車, 車票170yen, 坐10分鐘就到.  

Google+將我拍的幾張相片合成一張, 好有動感呀, 睇睇下眼花添~
船上玩的人個個都濕晒身, 咁刺激唔啱我, 我只係睇左4D芝麻街, 同埋3D蜘蛛俠, 其餘都係行下..食下..shopping下.

影城大門入口已有聖誕氣氛.

由車站行入影城路段一旁有很多商店, 設計很有趣吸引.

一入影城, '嘩'一聲, 地方好大呀.

買左好多pinky monster的毛公仔做手信, 我諗小朋友收到一定好開心.

哎呀~ 依家睇相先留意到有薑餅人, 無買添.

第一個節目係睇4D 芝麻街, 比個女笑我咁bb嘢都咁緊張, 張凳有時突然間'坐'低囉.

呢度都有擲銀仔遊戲, 銀仔要擲落錐形的碟, 不過見到有個女仔擲中, 但係個職員話佢個手勢唔啱, 所以無獎, 個銀要拋高嚟擲先啱喎.

風景好靚~

同大白沙影相, 我無影..

大人同小朋友都鍾意嘅駕駛樂園, 睇嚟好玩過廸廸尼'播'.

有小朋友臨上車怯場, 坐在地上大哭.

突然有大恐龍出現, 聽講佢會入恐龍餐廳搶客人的漢堡包食, 唔知係咪真呢~

同行的工作人員都好緊張, 因為恐龍唔比人摸.

真係好似~

恐龍走lu, 我地估佢係人扮定係機械...

同芝麻街怪獸影相, 咁難得當然要影番張全家福, 一張相要1500yen, 另可以用自己相機影一張.

又睇左3D蜘蛛俠, 不過我睇到蜘蛛俠跳落我地部車車頭(當然是3D), 太高清太逼真, 之後一直合上眼無睇啦, 有時感到有火, 有時感到部車直衝, 又比個女笑呀...

呀女話要戴頂公仔帽影相.

全粉紅色咖啡店.

天光玩到天黑.

夜左有好多學生入場, 個個都買到滿載而歸呢.

晚餐在園內餐廳, 餐牌食物選擇唔多.

呀女帶埋'毛毛'去旅行.

影城日間和晚上都有巡遊, 因為地方大, 所以日間的巡遊遇唔上, 呀女就睇左.

有d祖國feel, 有d人物同影城無關囉.

睇完巡遊要走囉, 最後在園外的商店作最後衝刺.