早排喺德福嘅market place 見到有來自英國威爾斯嘅羊肩, 一pack真空包裝的大約有500克重, 買咗一pack 試吓, 味道唔錯, 唔會有太多肥膏, 我焗到剛剛熟, 一d都唔'鞋'唔乾, 肉質都好鬆軟, 好有肉汁, 有時間再去買.
羊肩: 除去本身包裝嘅尼龍線, 用廚房用綿繩捆好, 用黑椒碎和鹽調味; 落少許油在煎pan上, 用中火煎至表面金黃, 煎封好表面之羊肩連同迷迭香放入已預熱160度焗爐, 焗35分鐘(視乎喜好的生熟程度加減時間).焗好之後攤抖10至15分鐘先好切呀.
蔬菜 : 用少許油爆香兩粒切碎蒜頭, 加入半個洋蔥粒炒香, 落多少少油後, 再加入一隻茄子粒炒至軟身, 再加入半隻紅椒粒, 半隻黃椒粒炒片刻, 加入一罐蕃茄煮約10分鐘, 再拌入2湯匙白酒醋及兩湯匙糖, 最後加鹽調味.
依據包裝上說明, 焗好嘅肉, 肉內嘅溫度60-65C係rare; 65-75C 係medium; 75-80C係well done. 記得第一次焗肉, 想知佢有幾熟, 我用支溫度計去ckeck舊肉有幾熱, 但當我抆返支針出嚟, 睇住d肉汁喺個針孔猛流出嚟, 跟住舊肉好似肉乾咁, 我以後都唔會再咁樣做嘞.呢個經驗幾好.....
放入焗爐時駛唔駛拆左條繩？
回覆刪除咁大舊，焗35分鐘入面會唔會未熟架？
[版主回覆04/30/2011 22:12:00]如果買番嚟已經有條繩, 果條係尼龍繩, 所以要拆, 廚房用嘅棉繩可以入得焗爐的.
我買果舊得500g重, 唔係好大舊, 我焗咗35分鐘, 都已經熟晒, 仲可以焗少5分鐘. 如果大d可能要焗耐d, 其實時間都好難定, 一嚟睇番個爐火力, 二嚟睇番自己接受生熟程度, 我都係鍾意食熟晒的.
在北京我很少焗羊排，不是燉就是涮。
回覆刪除[版主回覆04/30/2011 22:17:00]喺北京我都係食過涮羊肉, 嗰間舖頭麻麻地好食,好似係東來順.
呀.....仲有係街邊食過烤羊串, 我好抗拒食街邊野的, 入鄉隨俗食咗少少.
乜market place的羊都幾好嗎？我未試過在那裏
回覆刪除買呀。我不吃羊的，但家人就很喜歡吃，找一
天買些回來，煮給家人試試。
[版主回覆04/30/2011 23:15:00]個包裝係Welsh Lamb from Wales, naturally finest hand cut mini shoulder roll.
羊肩要五花大綁，半隻紅椒粒, 半隻黃椒粒炒片刻，0甘留低半隻紅椒半半黃椒可以煮甚麼？下次加埋青椒可以炒"紅綠燈炒飯"
回覆刪除[版主回覆05/01/2011 21:41:00]又整咗今晚嘅晚餐囉!
其實都好以加d洋蔥, 雲耳, 西芹炒XO醬都得......呢個係咪好熟呢!
咁以後點知有幾熟呢可
回覆刪除[版主回覆05/01/2011 21:44:00]要靠經驗呢, 初整嘅我都會做筆記, 整到滿意就跟筆記去煮.
羊肉串聽講有些是老鼠肉，我不敢食
回覆刪除[版主回覆05/01/2011 21:47:00]我信架, 成條王府井都買羊肉咁滯, d羊肉咁貴, 邊得嚟咁多吖, 返大陸我都好少食肉.