近排見好多朋友都自己整义燒, 我都整吓, 原來都唔係太複雜, 反而覺得最難買到塊靚嘅枚頭豬肉, 聽人講最好買"拖地豬肉"仲要肥嘅, "拖地"即係 "格肋底"對落同背脊之間嘅肉, 喺街市買豬肉時照講要"拖地", 不過個豬肉人兄唔多睬我, 照切舊瘦嘅肉比我, 今次識say no嘞, 大聲話: 我要肥嘅~ ~ ~
整好之後我可以唔食肥嘅部分, 近住肥嘅瘦肉都好食過瘦蚊蚊嘅瘦豬肉吖嘛.....
比想像中易整, 整好醃料, 醃兩三個鐘, 呢塊豬肉約5百幾克, 我用煤氣焗爐230度, 焗約30分鐘, 中途反轉一次, 最後塗上蜜糖再焗片刻即成.
醃料都係糖, 鹽, 生抽, 薑汁酒, 磨豉醬, 當然唔少得海鮮醬.
今晚加料 ~
正呀
回覆刪除[版主回覆05/31/2011 18:07:00]唔錯的.
我最愛食叉燒
回覆刪除[版主回覆05/31/2011 18:07:00]新鮮出爐最好食.
你又整叉燒呀,我到而家都未去買焗爐,所以無得整果碗「黯然叉燒飯」食呀;要去街買果D又瘦又乾既叉燒食!
回覆刪除[版主回覆05/31/2011 23:11:00]出爐义燒真係好好味架, 又唔使食嗰d '痴'塵染色义燒, 而且街果d多數係雪豬囉. 我覺得焗爐多用過微波爐呢.
(Empty)
回覆刪除[版主回覆06/02/2011 01:11:00]Goodnight ~
早
回覆刪除[版主回覆06/02/2011 01:12:00]晚安~
明天要早起出發啦
回覆刪除[版主回覆06/02/2011 01:32:00]玩得開心d啊!
嘩~~斬大舊叉燒,令笠笠流哂口水啦
回覆刪除[版主回覆06/02/2011 21:17:00]自己整原來咁好味!
你整得好靚!
回覆刪除[版主回覆06/02/2011 21:18:00]見你整得咁好味, 我終於'的'起個心肝又整囉.
好靚仔噃!想起的剛出爐叉燒都流口水。
回覆刪除[版主回覆06/02/2011 21:18:00]係呀剛出爐义燒好正.
我通常都係用义燒醬,好彩你提我用海鮮醬都得,咁我知屋企喎樽海鮮醬可以點用啦!
回覆刪除[版主回覆06/10/2011 23:27:00]我未買過义燒醬, 海鮮醬多用途d, 有時要嚟點煎豆腐好好味.