今晚又做無飯主婦~
噚日見到朋友個囝囝食磨菇漢堡包好正咁, 今日都整嚟食吓, husband食過都話好好味, 好味過海運大廈嗰間唔知咩咩burger, 不過係差一dd, 原來係個包好行喎, 如果個包自己整埋就perfect嘞......可惜我整包唔叻呢.
自己煎嘅漢堡扒好鬆軟多汁.
上面嗰3個係豬肉, 下面兩個係牛肉.....
刴好嘅免治肉, 搓成圓形小肉餅, 中心按一小洞, 咁樣煎嘅時候件漢堡扒嘅中心位就唔會漲起, 會熟得均勻架嘞.
大約375克嘅免治肉, 用半隻蛋, 40克無皮白麵包(浸焾隔去水份), 適量鹽及黑胡椒碎(可加些洋蔥碎)攪拌至完全混和, 搓成小圓餅, 放雪櫃冷凍一小時. 煎時用中火每面煎約3至5分鐘至熟透.
原來漢堡扒可以自己整!我唔鍾意食街賣果D!
回覆刪除[版主回覆06/02/2011 23:19:00]街嗰d比較乾囉, 最緊要係自己整食咗咩肉都知.
我少時果時食過一個咖哩漢堡包,係野火樂園整既,到現在都經常諗起,有無咖哩漢堡做法呀,好想重拾當年回憶!
回覆刪除[版主回覆06/04/2011 21:02:00]我未食過呀, 唔知係個肉餅有咖哩還是個醬汁係咖哩呢?
噉多料
回覆刪除好食
[版主回覆06/04/2011 21:05:00]係呀~
真係服了你。自製的漢堡扒,掂!
回覆刪除[版主回覆06/04/2011 21:06:00]自己整都好架, 知到食咗咩肉吖嘛.
中心按一小洞>原來要咁.
回覆刪除[版主回覆06/04/2011 21:09:00]work 架...尤其是做厚身嘅肉餅.
收到!又學多樣!
回覆刪除[版主回覆06/10/2011 23:24:00]大家分享分享!