呢條魚買返嚟嘅時候只有手指公咁大, husband話佢係花羅漢魚, 我覺得佢好似日本嘅鯛魚燒咁, 我地養咗佢都有兩年, 依家大過我隻手掌, 開心嘅時候佢會張開晒d魚鰭, 魚身仲會有紅色, 同佢玩佢條魚尾會擺得好犀利架.
佢仲好識食, 起初食魚糧, 買過d急凍豐年蝦比佢食, 佢就唔再食魚糧嘞, 有日買咗d鮮蝦諗住要嚟炒蛋, husband比咗少少佢食, 唉!佢食咗鮮蝦之後又唔食果d豐年蝦, 佢真係唔食就唔食, 試過兩個幾禮拜都唔食野, 學人絕食呀!
前日, 有個寬頻技師嚟安裝電線, 個電制喺個魚缸櫃側邊, 位技師唯有移開個櫃, 比個技師移一移....條魚驚到面都青, 成條白晒, 魚鰭都收埋, 真係陰公囉....
一驚呀會變白色咁恐怖架，咁你換水果時咪要好小心！
回覆刪除[版主回覆05/19/2011 00:48:00]我地換水又唔見佢變色喎, 可能條魚見到有陌生人移動佢, 驚過龍掛.
你好 謝謝你 看 神婆 BLOG 友
回覆刪除[版主回覆05/19/2011 11:25:00]午安! 妳嘅公仔好得意呀. 可以搵到咁多嘅
會變色咁得意.
回覆刪除[版主回覆05/19/2011 11:26:00]係呀! 個師傅都話: 咦! 入嚟見佢黑色架喎.
寵物魚好珍貴
回覆刪除[版主回覆05/19/2011 14:20:00]我地一入屋都係同佢玩吓先架.
呵 呵呵 大多是在 秋金BLOG到 ''來''
回覆刪除[版主回覆05/19/2011 17:34:00]秋金的BLOG好靚啊!
秋金個BLOG真是好靚 還有好多可愛公仔 我好喜愛 日日夜夜去鼠下的
回覆刪除[版主回覆05/19/2011 19:55:00]咁我得閒都去鼠吓! 呢個 好得意, 我屋企都有呢個公仔呀, 好似係千與千尋裡面個煤炭屎.
真係變左白色呀
回覆刪除[版主回覆05/19/2011 19:57:00]到依家仲未正常番晒, 有人入屋就驚啦, 見到係我地先深番色.
是 千與千尋裡面個煤炭屎呀 勁可愛
回覆刪除