一到步就上左美高梅金殿嘅酒店專車, haha, 依家交通真係方面嘅啫, 本來打算去中菜廳飲茶, 點知佢話無訂枱就無位喎, 閒日嚟咋喎, 係咪咁旺呀, 於是行左去西餐廳, 自助午餐做緊馬來西亞美食推廣, 鬼咁肚餓, 唔理啦食住先, 下午再去歎過下午茶.....食物都唔錯, 食完仲飽到夜晚...
美高梅金殿酒店.... 雖然個大花園人工左d, 不過都好大好靚, 有好多攝影發燒友係度影相添呀..
開餐囉....好美味!
好好味嘅碗仔翅
碳燒脆皮豬柳, 皮好脆, 肉質睇落好juicy,不過好 "un"
最好味呢碗 "la sa", 濃味得嚟又唔咸又唔'溜'.
個麵包好正, 我地食左成個咁滯.
外脆內軟, 仲係熱熱的.
配上香濃朱古力餅底嘅芝士餅, 入口溶化嘅感覺, yummy!
我未食過呢個質感嘅雪芳, 同我整嘅, 食開嘅質感完全唔同, 好濕潤鬆軟.
已經好飽, 不過d斑蘭雪芳實在太美味, 要食多一片.
配咖啡嘅奶係打熱過的 ~ ~ ~ 一杯餐茶好認真啊!正!
座位很寬敞呢.
跟住就行去議事亭, 一心搵果間singing bean cafe, 又係失策無抄低詳細地址, 搵晒方圓唔知幾多里都搵唔到, 無得食...
去左澳門n次咁多都未到過嘅堡壘炮台
影完炮台, 相機無晒電lu, 唯有下次再去過影喇..
去到新豪天地酒店, 見到一個好得意嘅設計, 就係有間自助餐廳喺正賭場旁邊, 自助晚餐$168一位, 仲係買一送一,唔知佢有咩食呢, 但係都好抵啫, 可以食吓又賭吓........
其實，你呢個係咪策略黎架，又可以去多次……
回覆刪除[版主回覆03/11/2010 18:15:00]係喇, 又未影晒, 又未行晒, 可以去多.....幾次, 最主要搵唔到 moon兄講果間singing bean cafe .
係囉, 李小六講得啱.
回覆刪除澳門我去過一次, 現在變了很多. 有點像拉斯維加斯.
[版主回覆03/11/2010 18:18:00]果間威尼斯人酒店同拉斯維加斯一樣架喎, 連房嘅設計都係一樣, 不過街道應該拉斯維加斯果度熱鬧好多啦.
西餐人都食馬來西亞美食?
回覆刪除[版主回覆03/12/2010 12:09:00]無法啦, 鬼咁肚餓.
你的一日遊好豐富!!!比起我的半天遊就真係.....
回覆刪除[版主回覆03/12/2010 12:17:00]澳門都有好多野睇吓, 剩係參觀d新酒店都有排行, 永利酒店室外有音樂噴火噴泉, 室內又有成棵金樹係地底升上嚟好精彩. 唔怪得moon兄話去一兩日唔夠架.
酒店好classic,好有古典feel啊!下次我都去行吓先!
回覆刪除[版主回覆03/12/2010 12:18:00]係呀, 澳門變左好多, 妳有時間去行番轉吖.
澳門的新酒店真係不惜公本呀! 而我就喜歡去舊地方, 第日都要找機會試下新派酒店.
回覆刪除噴水池間singing beam, 執左了, 搬了去旅遊塔, 變晒lu, 跌晒watt了.
[版主回覆03/12/2010 16:58:00]唔住新酒店,剩係四圍行呀,食吓野都OK架. 臨走時係威尼斯人搭車出碼頭, 見到有間四季都好靚呀.
唔怪得搵唔到啦.