行完石屎路開始行山路喇.......
都有d 崎嶇...
呢段路無圍欄, 有少少驚, 我都唔敢望落去, 我驚碌落去呀...
kakaka...終於到左大澳啦.....
差唔多兩點, 好肚餓, 開餐囉...
間舖叫素食館, 以為係食齋, 等我仲話佢做到咁似真肉咁添, 瘀死.....生炒骨.
素翅.........好大條翅啊! 同海虎翅差唔多啫....
上菜嘅仁兄好識做, 見我地影相即刻整個靚角度.
要預訂的鹽焗雞, $260蚊一隻, 正 ~ ~ ~
人多先可以食嘅椒鹽鮮魷, 我都好放肆咁食多件....
三姑扒滑嘟嘟豆腐
腐乳椒絲生菜.....比起小店的失色左d啦.
食飽又四圍行吓, 團友話要飲埋下午茶呢.
仲敢唔敢食咸魚 
嘩!好大隻膽固醇呀..
中式薄餅20蚊一個.
大叔好忙.....但係我始終都未食過佢燒嘅魷魚
財叔嘅茶果, 糯米磁好軟熟又多餡, 財叔話無份量架, 整嘅時候只係靠手感....
tea time..........其實飽到咩咁, 呢間士多(唔記得個名喇)呀穌介紹話正喎, 團友一定要食埋先返出去市區.
消滯茶, 中間肉肉酸果杯係凍檸檬茶, 上枱時大家你眼望我眼, 想退返比佢咁滯, 原來係咁架喎, 團友都讚好味呀....
食埋個tea大家都好滿足咁搭車走人喇, 不過仲有下文, 就係去尖沙咀一間旅遊公司開嘅日本貨品專門店, 因為大減價兩日, 上到去超多人呀, 一心去到唔買返d又唔抵咁, 買番少少啦...
拿拿拿，第二次唔見喇﹗再唔見，我會殺人呀……
回覆刪除下……又唔見左……
好在copy定……死人yahoooooooooooooo
財叔d糯米滋好好食架，最好味就係花生。茶粿就係隱姑最出名呢﹗
[版主回覆03/30/2010 23:00:00]我次次都係copy左先, 打完唔見左我會無心機再打, 因為打得慢...
有機會去都再食過....
哈哈！行山我已經退出︿
回覆刪除而你卻越行越勇播~~
[版主回覆03/31/2010 11:36:00]運動吓係好架, 我都覺得抵抗力好左, 呢d天氣有幾次差d病, touch wood 好快無事. 我要踢走[出門發瘟症]呀........
Kitty預祝大家復活節快樂, 工作愉快, 身體健康
回覆刪除[版主回覆03/31/2010 22:50:00]大家咁話, 祝你復活節快樂!!!
呢條路係我的至愛, 小時候的回憶.
回覆刪除妳愛上行山喎.
[版主回覆03/31/2010 22:57:00]呢條路唔錯呀, 行到d村見到佢地大部份都係自己種菜, 好羨慕佢地有咁新鮮菜食, 真係好鄉村嘅生活.
再熱d無得行架啦, 希望個個禮拜去到一次喇.
睇見油多我流口水
回覆刪除[版主回覆04/05/2010 23:20:00]HAPPY EASTER!!
旅遊公司開嘅日本貨品專門店> 你唔講我都唔記得,下次去睇吓先.
回覆刪除[版主回覆04/05/2010 23:26:00]哦...你都知有呢間舖, 下次返嚟記得去睇吓喇..........其實我覺得d野都幾貴, 不過果次一心去到唔買仲唔抵咁,盒蘋果片4拾幾蚊, 盒薯片68蚊, 最抵包米2kg 117蚊.