行程最後一日..........早一晚食左團友比嘅感冒藥, 又唔理咁多食左一粒安眠藥, 休息左一晚, 呢日精神好好多啦! 不過果粒安眠藥嘅藥力好持久呢......
都唔知點樣, 係薩爾斯堡蕩失左路, 同husband失散左, 當時真係驚架, 搵左好耐都搵唔到, 又遇唔到d團友, 愈行愈驚, 最終遇到一位團友佢話我先生係咖啡店等左我好耐, 我驚我又唔知會行左去邊, 唯有麻煩佢帶我去嘞...
原本同husband講去呢間Furst買莫札特朱古力, 點知一轉頭就搵唔番呢間舖, 再望番轉頭又唔見人, 仲愈行愈遠..............可能d藥力未過掛
husband都驚架, 唯有坐係舖頭等, 唔敢行開...
係薩爾斯堡買完朱古力, 再乘旅遊巴往慕尼黑吃午餐, 行吓街, 買吓豬手香腸, 就要往機場啦...
在慕尼黑最last的午餐
唔少得的.....德國豬手
又係唔少得的.......德國香腸
roast trout
蘑菇??......
漢堡扒
encore....德國香腸
太完美啦! 再見東歐......................
薩爾斯堡好好鍾意呀! 城仔細細, 但好精緻的........我都有d熟路了, 只係山上的主教城堡冇上過去, 唔知仲有冇機會上一次.
回覆刪除哇, 妳地嘅西餐勁豐富呀, 我地去到最後, 已有d滯.......下次去我一定要吃白色盅牛肝餃子湯.
[版主回覆10/15/2009 12:06:00]我地只係喺薩爾斯堡嘅小街行吓, 記得有好多橫橫直直嘅小街, 所以認唔到路囉...
用牛肝做嘅餃子, 剩飲湯夠啦!
蕩失路失散咗有貴人相助重逢. 噯, 可以寫短篇小說喇
回覆刪除好彩, 如果唔係. 盒朱古力就要揾人食囉
[版主回覆10/15/2009 21:51:00]hahaha, 我去你果度嘅話, 你記得拖實我啦喎, 如果唔係我又唔知行左去邊.......
哎吔, 咁妳要拉埋小三來呀. 我好少同人拉手架, 我淨係鐘意揸車同人週圍去架咋 . 妳坐响車度包唔會蕩失路喇
回覆刪除[版主回覆10/16/2009 11:55:00]嘩!有車坐咁豪華, 要計劃一吓啦!