沙律: 一個萍果切粒, 一隻熟蛋切粒, 一件雞胸肉用鹽, 黑椒, 香草醃片刻烤熟切粒, 拌入蛋黃醬.
切好嘅萍果即刻放入沙律醬拌勻, 咁d萍果就唔會生锈架嘞.
燴咖哩羊扒: 洋蔥一個切絲, 用橄欖油慢火煎至軟身; 加入蒜茸及香料(玉桂粉, 綠豆寇, 丁香, 香葉, 小茴香粉, 芫茜籽粉, 黑胡椒, 辣椒粉), 慢火炒數分鐘; 加入半罐罐頭蕃茄連汁; 加少許水煮至收汁, 加鹽調味.
羊扒用鹽及黑椒碎略醃, 煎封兩面, 放入咖哩汁內煮至熟.
早一晚煲定嘅栗子紅蘿蔔蕪花果雪梨湯. 我鐘意飲隔夜湯, 因為放左入雪柜之後, d肉類嘅脂肪凝固左喺湯表面, 好易隔走, d湯就會好清無咁肥架.
一個食都咁吸引
回覆刪除[版主回覆11/16/2010 20:01:00]對自己好d嘛.
唔會刻薄自己 ! 做得好呀!
回覆刪除[版主回覆11/16/2010 20:02:00]haha講得啱呀.
都好豐富呀, 如果比我一個人在家呢, 我都係煮個麵食就算了
回覆刪除[版主回覆11/16/2010 20:04:00]日頭我多數都係食粉麵, 夜晚要食飯囉.
嘩, yc, 一個人都做咁多食物??? 比我呢就難得放假一天, 實行簡簡單單就算!!咁就睇得出你對晚餐和食物的要求----極高!!!服!!!!
回覆刪除[版主回覆11/16/2010 20:09:00]呢個碟頭飯算簡單啦, 好過又炒又煲, 要洗好多野. haha要影相先整到好靚咁, 如果唔係用埋個煲食算啦, 洗少隻碟.
好煑意
回覆刪除[版主回覆11/17/2010 19:19:00]多謝!
要影相先整到好靚咁, 如果唔係用埋個煲食算啦, 洗少隻碟.
回覆刪除[版主回覆11/22/2010 15:17:00]hahaha, 即係喺屋企可以棟起隻腳食飯.
我絕對認同一個人食飯都要對自己好d架。個湯望到都覺得好清潤！
回覆刪除[版主回覆11/29/2010 00:23:00]係呀, 有時樂得清閒自己一個人歎吓.
請問shum d 左乜野係 沙律上面
回覆刪除[版主回覆12/08/2010 00:46:00]係意大利香草.