Honey Comb

去澳洲旅行時買過一種叫honey comb嘅糖, 屋企人好鍾意食, 雖然唔知道佢地用咩材料, 我就覺得同焦糖脆脆嘅味道和質感都好似, 而且仲比起澳洲買嘅更加鬆脆呢..

 

材料: 糖162g, 蜜糖25g, 粟膠62g, 梳打粉7g.

做法: 先放糖落煲內, 加水, 水嘅份量剛剛好蓋過糖(煲邊一定要無乾嘅砂糖, 因為會好易燶), 再加蜜糖, 粟膠.

 

全程不要攪拌, 用中慢火煮至約165度C

 

 

 

煮至大約163度時, 滾起嘅泡會較細同密.

 

拌入已篩的梳打粉, 即用拂蛋器快手拌勻(這時焦糖漿會迅速膨漲, 小心熱呀), 倒在焗爐紙上待涼.

 

用嚟做焦糖脆脆蛋糕就係佢嘞, 不過屋企人就當糖食囉!

 

去買白砂糖果陣, 見到d太古糖有d註明係韓國製造, 有d只係寫香港包裝, 連產地都無, 唔怪得大包裝嘅砂糖比較幼細, 細包裝嘅比較大粒仲有d光閃閃咁, 終於罷買, 揀咗澳洲嘅, 做出嚟嘅honey comb好好味喎.