講番去旅行...........以為去唔到架, 因為臨出發前三日又唔舒服, 個心又跳, 諗住瞓一覺會無事, 以前瞓醒都會精神番. 星期六出發架啦, 星期四喺青衣城食完晚飯, 都係覺得唔舒服, 於是去睇中醫, 個中醫好似話我攪到咁嚴重先睇佢, 話我積左咁耐先醫, 我話都係啱啱早一晚先覺心跳, 佢話我等到心跳已經好嚴重架喎, 話我成個人飄喎, 真係大劑...........我係話佢果劑藥, 我諗劑藥超過40種藥都有, 我個大size藥煲都放唔落, 要用個不锈剛大湯煲先煲到, 食左都係咁, 仲有一日時間, 諗住唔會咁快好番, 如果一開始就心跳, 8日旅程就會好難捱, 都打定輸數唔去架啦,仲心諗好在買左旅遊保險, 星期五再睇西醫, 醫生話我都係緊張引起, 心臟無問題, 開左d藥比我, 有需要先食, 好在食左藥成個人開始精神番晒, 如期出發, 團友仲話我今次愈玩愈精神, 冬天可以參加賞雪團.
去完旅行第二朝的早餐.......芝士法包配蕪花果.
有咁fresh嘅早餐, 因為我買左好多水果呢!
仲有買左$17xx yen麵包, d麵包真係好好味, 好好味.
喺日本最後一日嘅早晨, 諗住去超市掃貨, 無意中見到有我最愛嘅杏仁豆腐, 食落唔單止杏仁豆腐正, d蕪花果仲正, 即刻走去蔬果部尋找咁美味嘅蕪花果.
咁細杯要 $37x yen.
杏仁豆腐我都 鍾 意食.
回覆刪除[版主回覆11/05/2010 13:41:00]係呀, 杏仁豆腐易整又好味, 大菜, 花奶, 杏仁香精同糖就攪掂.
無花果啊無花果，新解無花果很好吃，
回覆刪除他們的杏仁豆腐是否也是大菜製作？
[版主回覆11/05/2010 13:45:00]日本d蕪花果同老番果d好大分別, 佢又滑又多汁, 我都係第一次食. 日本用寒天粉嗰類, 同大茶有d唔同掛, 佢滑d, 大菜爽爽地.
哇, 托左好多靚水果回來喎, 有洋梨, 柿子, 無花果, 巨峰.........yummy.
回覆刪除日本的杏仁豆腐一般都幾好吃, 好似panna cotta.
[版主回覆11/06/2010 17:43:00]係呀, 仲有牛油果, 個牛油果整左沙律, 好好味.
次次喺日本最last一個行程就係去超市買生果蔬菜.
d包包仲靚, 香港少見咁靚的歐洲包......呀, 應該說, 歐洲的歐包都少見咁靚.
回覆刪除[版主回覆11/06/2010 17:48:00]今日行過海運, 係LCX入面, 見到有一間日本麵包店就嚟開張, 期待緊唔知會唔會好似日本果d咁好味. sogo 果間d法包都係唔好食嘅.....
日本人整歐洲包又會咁正嘅!