激C人啦...

我都算落後咯..
上個星期先買咗個智能電話, join埋個無限上網嘅plan,
本來打算買LG, 因為以前用嘅都係粉藍色LG, 鍾意佢粉藍得嚟好靚,
今次無我喜歡嘅顏色,
揀咗部白色嘅Sony Xperia j,



第一次有電話上網, 歡天喜地set好晒d資料, 功能,
點知用咗兩日, 再义足電....哎呀! 原來义咗幾個鐘都無電到, 要再從新义過,
之後, 同樣事情又發生一次,
今日就算义咗成朝都係义唔到電呀,
打去Sony問, 佢叫我去經銷商換過另一部,


因為今日剛好第7日啦, 如果唔換就要拎返去Sony維修,
當然希望換過一部啦,
新買就壞, 幾時先壞到殘呀, 真係唔想騰嚟騰去...


於是拎去經銷商講晒前因後果啦,
點知佢話無貨喎, 因為代理比唔夠貨佢地,
叫我返去等消息,
問佢等幾耐啦, 佢話佢都唔知喎,
惟有將條線飛返屋企先啦,  出街就無電話用lu, 真係好唔方便呀,
真係激C人啦...



遇著你真係唔好彩咯~

我仍然好鍾意我部LG架, 雖然用唔到都唔捨得掉咗佢呢!



~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

後記:
打過電話去sony啦, 不過佢話係經銷商嘅事喎,
佢好似唔覺得個問題係佢地sony都會出d咁差嘅產品囉.

再打去經銷商問, 起初佢要我拎部機去維修部攞張維修紙先可以換機,
但係單據條文列明有壞就可以換架嘛,
問我部機壞定係义機壞..........
哎呀! 我點知啫, 總之個電話义極都無電啦....
其實好簡單, 我想佢比個確實日子我, 等我知道幾時有番電話用, 上唔上網都罷啦,
如果只係有拖無欠, 得個等字, 反正都無服務, 不如幫我取消埋合約,
佢最終答應盡快處理, 惟有再等下添囉,
希望快d有番電話用啦, 出街無電話原來好唔方便.....


~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

再後記:
終於通知我去換機囉,
原來只係換機, 配件係無得換,
心諗乜唔係如果有壞係成盒野換過嘅咩,
而且我部機係义唔到電, 如果係個义機壞........咁又點呢..
不過佢唔換都無計, 我都無佢咁好氣,
惟有拎住部扮新嘅電話走囉..
話佢扮新係因為貼喺顯示螢幕嘅膠貼, 唔同新買嗰部, 只係貼上一塊好薄膠膜,
相機鏡頭亦無一塊新機藍色保護膜,
部機放咗喺屋企, 仲未有心機用佢呢.....
好在只係有一年合約, 出年唔續呢個新世界傳動網囉,
都係搵番d大公司......